காமாக்ஷி கடாக்ஷம் என்னும் கருப்பு அமிர்தம்

காமாக்ஷி கடாக்ஷம் கரு நீலமான அமிர்தம், அதை நயம்பட மஹான் ஸ்ரீ ரமணரின் மகத்துவத்துடன் ஒப்பிட்டு அள்ளிக் கொடுத்தது அமிர்தமாக இருக்கு. மணிவாசகரின் மொழி, மற்றும் காமாக்ஷி கடாக்ஷத்தை மஹான்களின் மூலம் வெளிப்படுத்தி கிடைக்க செய்வது எனும் இந்த நோக்கு வியப்பாக இருக்கு. பூமியில் மஹான்கள் நமக்காக இற(ர)ங்கி வந்து வழிகாட்டி நெறிப்படுத்தி பல மனிதர்களை உயர் நிலையில் இருக்க செய்தது, ஸ்ரீரமண அடியார் அண்ணாமலை போன்றோரின் கர்மங்களை விலக்கி அவர்களையும் ஆத்ம விசாரம் செய்ய வைத்தது போன்றவை, ஸ்ரீ ரமணரின் ஜாதி, இன, மத வேறுபாடற்ற தன்மை, “அணிலுக்காக மட்டும் முந்திரி”, என்று நகைச்சுவை ததும்ப கூறியது போன்ற நுட்பமான விஷயங்களை வெளிப்படுத்தி நம்மை சுற்றி நடக்கும் விஷயங்களையும், மனிதர்களையும், அவரின் செயல்பாடுகளையும், நாம் அவைகளை நேர்மறையாக அணுக முயற்சி செய்ய ஊக்கம் தரும் விதமாக உள்ளது.