மஹாபெரியவா என்னும் கட்டிக்கரும்பு

ஆர்யா சதகம் 16வது ஸ்லோகம் பொருளுரை – மஹாபெரியவா என்னும் கட்டிக்கரும்பு (9 min audio)

मधुरधनुषा महीधरजनुषा नन्दामि सुरभिबाणजुषा ।
चिद्वपुषा काञ्चिपुरे केलिजुषा बन्धुजीवकान्तिमुषा ॥

மது⁴ரத⁴னுஷா மஹீத⁴ரஜனுஷா நந்தா³மி ஸுரபி⁴பா³ணஜுஷா
சித்³வபுஷா காஞ்சிபுரே கேலிஜுஷா ப³ந்து⁴ஜீவகாந்திமுஷா .. 16.

இது ஆர்யா ஶதகத்தில் 16வது ஸ்லோகம்.

சொல்றதுக்கே ரொம்ப sweetஆக இருக்கு.

‘மது⁴ரத⁴னுஷா‘ – தித்திப்பான ஒரு வில்லை வைத்து கொண்டு இருப்பவள். கரும்பு வில்லை கையில் வைத்து கொண்டு இருக்கிறாள்.

‘மஹீத⁴ரஜனுஷா’ – பர்வத ராஜனுடைய குமாரி. பர்வத ராஜனிடத்தில் இருந்து பிறந்தவளும்

‘ஸுரபி⁴பா³ணஜுஷா’ – கரும்பு வில் என்றால் அப்போ என்ன பாணம்? அப்படினு கேட்டேள்னா, ஸுரபி⁴பா³ணஜுஷா – நல்ல வாசனையான மலர்கள், பஞ்ச புஷ்ப பாணங்கள்

‘காஞ்சிபுரே கேலிஜுஷா’ – காஞ்சிபுரத்தில் திருவிளையாடல்கள் புரிபவளும்,

‘ப³ந்து⁴ஜீவகாந்திமுஷா ‘ – செக்கசெவ்வேள்னு இருப்பதால், செம்பருத்தி பூவினுடைய காந்தியை அபகரிக்கிறாள். அந்த காந்தியை எல்லாம் காமாக்ஷி எடுத்துண்டா. இது நமக்கு கண்ணுக்கு தெரிகின்ற காமாக்ஷி. இந்த காமாக்ஷினுடைய அழகே,

‘சித்³வபுஷா’ – ஞானம் ‘சித்³வபுஷா’ அப்படினு சொல்றார்

‘நந்தா³மி’ – அப்பேற்பட்ட காமாக்ஷினிடத்தில் நான் மிகவும் ஆனந்தப்படுகிறேன்.

ரொம்ப அழகான ஸ்லோகம். இதை மஹாபெரியவாளுக்கு பொருத்தி பார்க்கணும்னா

‘மது⁴ரத⁴னுஷா’ பெரியவா காலத்தில் மட்டும் இல்லை. இப்போ 25 வருஷம் அப்புறம் கூட, பெரியவாளை நினைத்தாலே நமக்கு எல்லாம் திதிக்கறது. கரும்பு மாதிரி திதிக்கறது. வெல்ல கட்டி மாதிரி தித்திக்கறது. மஹாபெரியவானு அவருடைய பெயரை சொன்னாலே தித்திக்கறது, அவருடைய கதைகளை சொன்னா தித்திக்கறது, அவருடைய ஸ்தோத்திரம் பண்ணா தித்திக்கறது, அவருடைய அபிஷேகத்தை பார்த்தால் தித்திக்கறது, அபிஷேக பாலை குடித்தால் தித்திக்கறது, அப்படி மதுரமான வஸ்துவாக எப்படி பெரியவா இருக்கான்னா பெரியவா காமாக்ஷி ஸ்வரூபம், அதனால் தான்.

மஹீத⁴ரஜனுஷா’ ங்கிறது காமாக்ஷிக்கே ரொம்ப பொருத்தம். பெண்களுக்கு அம்மாவினுடைய அழகு, புத்திசாலிதனம் எல்லாம் வரும், அப்பாவினுடைய காம்பீரம் வரும், கம்பீரமான ஹிமவானுடைய பெண் காமாக்ஷி. மஹாபெரியவாளுக்கு சொல்லும் போது

நிலையின் திரியாது அடங்கியான் தோற்றம்
மலையினும் மாணப் பெரிது.

அப்படினு வள்ளுவர் சொல்றார்.

தன்னுடைய நிலைமையிலிருந்து திரிய கூடாது, மாற கூடாது, பணம் வந்தாலோ, புகழ் வந்தாலோ, கௌரவம் வந்தாலோ, இல்லை பணம் போனாலோ, இல்லை அவமானம் ஏற்ப்பட்டாலோ, எல்லா நேரத்துலையும் ஒரே மாதிரி ஒழுக்கம், அது ‘நிலையின் திரியாது அடங்கியான் தோற்றம்’ அது எங்க இருந்து அந்த நடத்தை வருதுனா? உள்ளுக்குள்ளே இருக்குற அந்த ஆணவமே இல்லாத அடக்கம், அப்பேற்பட்டவர்களுடைய தோற்றம்,

‘மலையினும் மாணப் பெரிது.’

மலையை காட்டிலும் உயர்ந்ததுனு வள்ளுவர் சொல்றார். அந்த மாதிரி நம்ம பெரியவா,

‘ஸுரபி⁴பா³ணஜுஷா .’ பஞ்ச புஷ்ப பானங்களும் கரும்பு வில்லும், 5 புலன்களும், மனசுக்கும் சமமாக சொல்லுவா. மஹாபெரியவா தன்னுடைய புலன்களை எல்லாம் வெளியிலேயே பார்க்காம, புலன்களையும் மனசையும் காமாக்ஷினுடைய பாதங்களில் வைத்ததுனால், பெரியவாளே காமாக்ஷியோதட லயமாகி,

‘‘சித்³வபுஷா’ அப்படி பெரியவாளே ஞான வடிவமாக இருந்து கொண்டு, நமக்கு எல்லாம் அனுக்கிரஹம் பண்ணா.

‘காஞ்சிபுரே கேலிஜுஷா’ பெரியவான்னு இருந்துண்டு, உலகத்தில் எல்லா பக்தர்களுக்கும் அனுக்கிரஹம் பண்றதுங்கிற லீலையை பண்ணின்டு இருக்கா.

‘நந்தா³மி’ அந்த பெரியவனிடத்தில் நான் ரொம்ப ஆனந்திக்கிறேன். அப்படினு ஒரு ஸ்லோகம்.

இந்த ‘ப³ந்து⁴ஜீவகாந்திமுஷா’ செம்பருத்தி பூவினுடைய சிவப்பை திருடிகிறது, அப்படிங்கிறது எனக்கு, இன்னிக்கு இந்த ஸ்லோகத்தை எடுத்ததே, இந்த வரியை expand பண்றதுக்காக தான். மஹாபெரியவா 100 வருஷம் அருளாட்சி பண்ணா, ஆனால் எந்த ஒரு controversyளையும் மாட்டிக்கவில்லை, தன்னுடைய உள்ளத்தில் இருந்ததை ரொம்ப தெளிவாக, உறுதியாக வெளிப்படித்திண்டே இருந்தா. கொல்கத்தா காளி கோவிலில் காந்தி வந்து, பலி கொடுக்கக்கூடாது, அப்படினு சொல்லிட்டு போன பின்ன, பெரியவா அதே காளி கோவிலில் ‘எத்தனையோ கசாப்பு கடைகளில், ஜீவ ஹிம்ஸை பண்றா. நாங்கள் ஹிந்து மதத்தில், இந்த தெய்வத்துக்கு பலி கொடுத்து, அதை நிவேதனமாக எடுத்துண்டா, அந்த ஜீவனுக்கும், உயிரை கொடுத்த அந்த ஜீவனுக்கும், இதை சாப்படறவாளுக்கும், பாபம் இல்லைனு நம்பறோம். எங்களோட விஷயத்தில் ஏன் தலையிடனும்?’ இது என்னோட உண்மை, நான் வாழறேன், பேசறேன் அப்படினு, ரொம்ப தைர்யமாக மஹாபெரியவா பேசிண்டு இருந்தா, தன்னுடைய சிஷ்யர்களுக்கு சொல்லிண்டு இருந்தா.

ஆனால், எந்த சர்ச்சையிலும் பெரியவா மாட்டிக்கவில்லை, அது ஏன்னா ? மற்றவர்களுடைய நம்பிக்கை மேல பெரியவாளுக்கு விருப்பு, வெறுப்பு இல்லை. அதனால், அதை எதிர்த்து, தான் ஒரு பக்ஷத்தை ஸ்தாபிக்கணும் அப்படினு பெரியவா முயற்சி பண்ணவில்லை. தன்னுடைய பக்ஷத்தை வெளிப்படுத்தி, அங்கேயே அதை முடிச்சுன்ட்டா. மற்றவர்களுடைய நம்பிக்கைக்கு ஊறு விளைவிக்கும்படியாக, எந்த பேச்சும் பெரியவா பேசவில்லை. அவாளுடைய நம்பிக்கை அவாளுக்கு, மதிப்பு கூட கொடுத்தா. நம்மளுடைய வேதம், தர்மம், சாஸ்த்திரங்களுக்கும், புராணங்களுக்கும், ஒத்து வந்ததுனா, ஆதரிச்சு கூட பெரியவா பேசினா. அதுல ஆராய்ச்சிக்கு போகவில்லை. ஒரு உதாரணம் சொல்றேன்.

ஸ்ரீமத் பாகவதம், ரொம்ப பின்னாடி காலத்தில் யாரோ எழுதினது வ்யாஸர் எழுதினது கிடையாது அப்படினு ஒரு அபிப்ராயம் ஆராய்ச்சிக்காராளுக்கு. இதை தேவி பக்தர்கள் ரொம்ப strong ஆக பேசினால், விஷ்ணு பக்தர்களுக்கு கோவம் வந்து, அவா தேவி பாகவதத்தை பற்றி இதே மாதிரி கருத்துகள் பேசறா. இந்த மாதிரி சர்ச்சையா ஓடிண்டு இருக்கும். இந்த மாதிரி சர்ச்சைகளினால் ஆத்ம லாபமும் கிடைக்காது, மதத்துக்கும் ஹானி ஏற்படும், கேட்பவர்களில் ரொம்ப பாகவதத்தில், நாராயணீயத்தில் பக்தியாக இருக்கிறவா, அதுக்கு அப்புறம் நம்ம பேச்சை கேட்கவும் மாட்டா. அதே மாதிரி தேவி பாகவதத்தில் ரொம்ப பக்தியாக இருக்கிறவா, சர்ச்சை ஒண்ணு வந்தா விலகிடுவா. அதெல்லாம் ஒரு ஞானம், வைராக்கியம் இருந்தா தான் இதிலிருந்துலாம் நாம விலகி இருக்கணும்னுங்கறது தெரிகிறது. பெரியவா தேவி பாகவதம், சண்டியும் பாராயணம் பண்ணுவா, ஸ்ரீமத் பாகவதத்தையும் பாராயணம் பண்ணுவா, ஸ்வாமிகள்கிட்ட கேட்டு இருக்கா. இந்த மாதிரி சர்ச்சையில் ஈடுபடறது ப்ரயோஜனம் இல்லை, அப்படிங்கறது பெரியவா சொல்லி கொடுத்து இருக்காங்கறதுக்கு ஒரு example சொல்றேன்.

ஸ்வாமிகள் மடத்தில் போய் பெரியவாளுக்கு ஸ்ரீமத் பாகவதம் படிக்கிறா. பெரியவா ஸ்வாமிகளை சுக ஸ்வரூபமாக கௌரவிச்சு, உட்கார்ந்து பெரியவாகிட்ட கேட்கறா. ஆனால் பக்கத்தில் இருந்த ஒருத்தர் ஸ்வாமிகள் நமஸ்காரம் பண்ண போது, இந்த பாகவதம் ஒண்ணும் வ்யாஸர் எழுதினது கிடையாது. என்கிறார். ஸ்வாமிகள்,பாகவதத்தில் இருக்கு, 18 புராணங்கள் எழுதி, வ்யாஸர் அதெல்லாம் தனக்கு த்ருப்தி ஏற்படவில்லை என்று சொல்லி, இந்த பாகவத புராணம் எழுதினார் அப்படினு இந்த பாகவத புராணத்தில் வருகிறதுனு சொன்னா, உங்க பாகவதத்தில் வருது அப்படி, அப்படினு சொல்றார் அவர். ஸ்வாமிகள் நமஸ்காரம் பண்ணிட்டு வந்து விடுகிறார். யாரோ ஒரு தனிகர், நிறைய வேஷ்டி கொண்டு வரார்.ஸ்வாமிகள் திருப்பி வந்து தன்னுடைய பாராயணத்தை ஆரம்பித்துவிட்டார், மஹாபெரியவா கேட்டுண்டு இருக்கார். அந்த தனிகருக்கு ஸ்வாமிகளுடைய எளிமையான தோற்றத்தை பார்த்த போது, அவரைப்பத்தி தெரியவில்லை, அதனாலே அவருக்கு அந்த வேஷ்டியை கொடுக்கணுமா? அப்படிங்கிறா மாதிரி பெரியவாளை பார்க்கறார். பெரியவா சொன்னாளாம், ‘இவா பாகவத சாஸ்த்திரத்தில் மூழ்கி இருக்கார்’ சர்வ சாஸ்த்திர விசாரத:’ எவ்ளோ பேர் வஸ்த்ரம் கொடுப்பா, அதனால், நீ அங்க போய் மற்றவர்களுக்கு போய் கொடு, இந்த வஸ்த்ரத்தை அங்க பண்டிதர்களெல்லாம் உட்கார்ந்து இருக்கா. அந்த சதஸ்ல போய் கொடு. அப்படி ஸ்வாமிகளுடைய மனஸை உடனே ஆறுதல் ஒரு படுத்தியிருக்கா, அப்படி பாகவதத்துக்கு கெளரவம் கொடுத்துயிருக்கா.

மஹாபெரியவா நினைத்தால் இந்த மாதிரி சர்ச்சையில் ஈடுபட முடியாதா? பெரியவா, இந்த ஸ்லோகத்தில் ‘சித்³வபுஷா’ சொல்லியிருக்கோமே, அந்த மாதிரி ஞானத்தோடு இருந்துண்டு, ‘ப³ந்து⁴ஜீவகாந்திமுஷா’ அப்படினு அந்த சிவப்பை ரஜஸ்ஸை விலக்கி, ‘மஹீத⁴ரஜனுஷா’ அப்படினு ஹிமவானை போல, அவ்வளவு கம்பீரமா இருந்துண்டு. அப்படினு “மது⁴ரத⁴னுஷா’ கரும்பு போல எல்லாருக்கும், இன்னிக்கும் ‘நந்தா³மி’னு சொல்லி, இன்னிக்கும் பெரியவாளை நினைத்தால் நமக்கு எல்லாம் அவ்வளவு ஆனந்தம் ஏற்படறது, எந்த சர்ச்சையிலும் போகாம, இந்த ஸ்தோத்திரங்களை பாராயணம் பண்ணி பெரியவாளை அனுபவிப்போம்.

பார்வதி பதயே ஹர ஹர மஹாதேவ