துக்கமோசக ஸ்ரீமதச்யுதாஷ்டகம் ஒலிப்பதிவு; dukha mochaka srimad achyuthashtakam audio mp3
दुःखमोचकश्रीमदच्युताष्टकम्
अच्युताच्युत हरे परमात्मन् राम कृष्ण पुरुषोत्तम विष्णो ।
वासुदेव भगवन् अनिरुद्ध श्रीपते शमय दुःखमशेषम् ॥ १ ॥
विश्वमङ्गल विभो जगदीश नन्दनन्दन नृसिंह नरेन्द्र ।
मुक्तिदायक मुकुन्द मुरारे श्रीपते शमय दुःखमशेषम् ॥ २ ॥
रामचन्द्र रघुनायक देव दीननाथ दुरितक्षयकारिन् ।
यादवेन्द्र यदुभूषण यज्ञ श्रीपते शमय दुःखमशेषम् ॥ ३ ॥
देवकीतनय दुःखदवाग्ने राधिकारमण रम्यसुमूर्ते ।
दुःखमोचन दयार्णवनाथ श्रीपते शमय दुःखमशेषम् ॥ ४ ॥
गोपिकावदनचन्द्रचकोर नित्य निर्गुण निरञ्जन जिष्णो ।
पूर्णरूप जय शङ्कर शर्व श्रीपते शमय दुःखमशेषम् ॥ ५ ॥
गोकुलेश गिरिधारणधीर यामुनाच्छतटखेलनवीर ।
नारदादिमुनिवन्दितपाद श्रीपते शमय दुःखमशेषम् ॥ ६ ॥
द्वारकाधिप दुरन्तगुणाब्धे प्राणनाथ परिपूर्ण भवारे ।
ज्ञानगम्य गुणसागर ब्रह्मन् श्रीपते शमय दुःखमशेषम् ॥ ७ ॥
दुष्टनिर्दलन देव दयालो पद्मनाभ धरणीधर धर्मिन् ।
रावणान्तक रमेश मुरारे श्रीपते शमय दुःखमशेषम् ॥ ८ ॥
अच्युताष्टकमिदं रमणीयं निर्मितं भवभयं विनिहन्तुम् ।
यः पठेद्विषयवृत्तिनिवृत्तिर्जन्मदुःखमखिलं स जहाति ॥ ९ ॥
து³:க²மோசகஶ்ரீமத³ச்யுதாஷ்டகம்
அச்யுதாச்யுத ஹரே பரமாத்மன் ராம க்ருʼஷ்ண புருஷோத்தம விஷ்ணோ ।
வாஸுதே³வ ப⁴க³வன் அநிருத்³த⁴ ஶ்ரீபதே ஶமய து³:க²மஶேஷம் ॥ 1 ॥
விஶ்வமங்க³ல விபோ⁴ ஜக³தீ³ஶ நந்த³நந்த³ந ந்ருʼஸிம்ʼஹ நரேந்த்³ர ।
முக்திதா³யக முகுந்த³ முராரே ஶ்ரீபதே ஶமய து³:க²மஶேஷம் ॥ 2 ॥
ராமசந்த்³ர ரகு⁴நாயக தே³வ தீ³நநாத² து³ரிதக்ஷயகாரின் ।
யாத³வேந்த்³ர யது³பூ⁴ஷண யஜ்ஞ ஶ்ரீபதே ஶமய து³:க²மஶேஷம் ॥ 3 ॥
தே³வகீதநய து³𑌃க²த³வாக்³நே ராதி⁴காரமண ரம்யஸுமூர்தே ।
து³𑌃க²மோசந த³யார்ணவநாத² ஶ்ரீபதே ஶமய து³:க²மஶேஷம் ॥ 4 ॥
கோ³பிகாவத³நசந்த்³ரசகோர நித்ய நிர்கு³ண நிரஞ்ஜந ஜிஷ்ணோ ।
பூர்ணரூப ஜய ஶங்கர ஶர்வ ஶ்ரீபதே ஶமய து³:க²மஶேஷம் ॥ 5 ॥
கோ³குலேஶ கி³ரிதா⁴ரணதீ⁴ர யாமுநாச்ச²தடகே²லநவீர ।
நாரதா³தி³முநிவந்தி³தபாத³ ஶ்ரீபதே ஶமய து³:க²மஶேஷம் ॥ 6 ॥
த்³வாரகாதி⁴ப து³ரந்தகு³ணாப்³தே⁴ ப்ராணநாத² பரிபூர்ண ப⁴வாரே ।
ஜ்ஞாநக³ம்ய கு³ணஸாக³ர ப்³ரஹ்மன் ஶ்ரீபதே ஶமய து³:க²மஶேஷம் ॥ 7 ॥
து³ஷ்டநிர்த³லந தே³வ த³யாலோ பத்³மநாப⁴ த⁴ரணீத⁴ர த⁴ர்மின் ।
ராவணாந்தக ரமேஶ முராரே ஶ்ரீபதே ஶமய து³:க²மஶேஷம் ॥ 8 ॥
அச்யுதாஷ்டகமித³ம்ʼ ரமணீயம்ʼ நிர்மிதம்ʼ ப⁴வப⁴யம்ʼ விநிஹந்தும் ।
ய: படே²த்³விஷயவ்ருʼத்திநிவ்ருʼத்திர்ஜந்மது³:க²மகி²லம்ʼ ஸ ஜஹாதி ॥ 9 ॥