ஸுப்ரமண்ய புஜங்கம் ஒலிப்பதிவு; subrahmanya bhujangam audio mp3
सदा बालरूपाऽपि विघ्नाद्रिहन्त्री
महादन्तिवक्त्राऽपि पञ्चास्यमान्या ।
विधीन्द्रादिमृग्या गणेशाभिधाना
विधत्तां श्रियं काऽपि कल्याणमूर्तिः ॥ १॥
न जानामि शब्दं न जानामि चार्थं
न जानामि पद्यं न जानामि गद्यम् ।
चिदेका षडास्या हृदि द्योतते मे
मुखान्निःसरन्ते गिरश्चापि चित्रम् ॥ २॥
मयूराधिरूढं महावाक्यगूढं
मनोहारिदेहं महच्चित्तगेहम् ।
महीदेवदेवं महावेदभावं
महादेवबालं भजे लोकपालम् ॥ ३॥
यदा सन्निधानं गता मानवा मे
भवाम्भोधिपारं गतास्ते तदैव ।
इति व्यञ्जयन्सिन्धुतीरे य आस्ते
तमीडे पवित्रं पराशक्तिपुत्रम् ॥ ४॥
यथाब्धेस्तरङ्गाः लयं यान्ति तुङ्गाः
तथैवापदः सन्निधौ सेविनाम् मे ।
इतीवोर्मिपङ्क्तीर्नृणां दर्शयन्तं
सदा भावये हृत्सरोजे गुहं तम् ॥ ५॥
गिरौ मन्निवासे नरा येऽधिरूढा:
तदा पर्वते राजते तेऽधिरूढा: ।
इतीव ब्रुवन्गन्धशैलाधिरूढः
स देवो मुदे मे सदा षण्मुखोऽस्तु ॥ ६॥
महाम्भोधितीरे महापापचोरे
मुनीन्द्रानुकूले सुगन्धाख्यशैले ।
गुहायां वसन्तं स्वभासा लसन्तं
जनार्तिं हरन्तं श्रयामो गुहं तम् ॥ ७॥
लसत्स्वर्णगेहे नृणां कामदोहे
सुमस्तोमसञ्छन्न-माणिक्यमञ्चे ।
समुद्यत्सहस्रार्क-तुल्यप्रकाशं
सदा भावये कार्तिकेयं सुरेशम् ॥ ८॥
रणद्धंसके मञ्जुलेऽत्यन्तशोणे
मनोहारिलावण्य-पीयूषपूर्णे ।
मनःषट्पदो मे भवक्लेशतप्तः
सदा मोदतां स्कन्द ते पादपद्मे ॥ ९॥
सुवर्णाभदिव्याम्बरै-र्भासमानां
क्वणत्किङ्किणी-मेखलाशोभमानाम् ।
लसद्धेमपट्टेन विद्योतमानां
कटिं भावये स्कन्द ते दीप्यमानाम् ॥ १० ॥
पुलिन्देशकन्या-घनाभोगतुङ्ग-
स्तनालिङ्गनासक्त-काश्मीररागम् ।
नमस्याम्यहं तारकारे तवोरः
स्वभक्तावने सर्वदा सानुरागम् ॥ ११॥
विधौ कॢप्तदण्डान् स्वलीलाधृताण्डान्
निरस्तेभशुण्डान् द्विषत्कालदण्डान् ।
हतेन्द्रारिषण्डान् जगत्त्राणशौण्डान्
सदा ते प्रचण्डान् श्रये बाहुदण्डान् ॥ १२॥
सदा शारदाः षण्मृगाङ्का यदि स्युः
समुद्यन्त एव स्थिताश्चेत्समन्तात् ।
सदा पूर्णबिम्बाः कलङ्कैश्च हीना:
तदा त्वन्मुखानां ब्रुवे स्कन्द साम्यम् ॥ १३॥
स्फुरन्मन्दहासैः सहंसानि चञ्चत्
कटाक्षावलीभृङ्ग-सङ्घोज्ज्वलानि ।
सुधास्यन्दिबिम्बाधराणीशसूनो
तवालोकये षण्मुखाम्भोरुहाणि ॥ १४॥
विशालेषु कर्णान्तदीर्घेषु अजस्रं
दयास्यन्दिषु द्वादशस्वीक्षणेषु ।
मयीषत्कटाक्षः सकृत्पातितश्चेत्
भवेत्ते दयाशील का नाम हानिः ॥ १५॥
सुताङ्गोद्भवो मेऽसि जीवेति षड्धा
जपन्मन्त्रमीशो मुदा जिघ्रते यान् ।
जगद्भारभृद्भ्यो जगन्नाथ तेभ्यः
किरीटोज्ज्वलेभ्यो नमो मस्तकेभ्यः ॥ १६॥
स्फुरद्रत्नकेयूरहाराभिराम:
चलत्कुण्डलश्री-लसद्गण्डभागः ।
कटौ पीतवासाः करे चारुशक्तिः
पुरस्तान्ममास्तां पुरारेस्तनूजः ॥ १७॥
इहायाहि वत्सेति हस्तान्प्रसार्य
आह्वयति आदरात् शङ्करे मातुरङ्कात् ।
समुत्पत्य तातं श्रयन्तं कुमारं
हराश्लिष्टगात्रं भजे बालमूर्तिम् ॥ १८॥
कुमारेशसूनो गुह स्कन्द सेना-
पते शक्तिपाणे मयूराधिरूढ ।
पुलिन्दात्मजाकान्त भक्तार्तिहारिन्
प्रभो तारकारे सदा रक्ष मां त्वम् ॥ १९ ॥
प्रशान्तेन्द्रिये नष्टसंज्ञे विचेष्टे
कफोद्गारिवक्त्रे भयोत्कम्पिगात्रे ।
प्रयाणोन्मुखे मय्यनाथे तदानीं
द्रुतं मे दयालो भवाग्रे गुह त्वम् ॥ २०॥
कृतान्तस्य दूतेषु चण्डेषु कोपात्
दह च्छिन्द्धि भिन्द्धीति मां तर्जयत्सु ।
मयूरं समारुह्य मा भैरिति त्वं
पुरश्शक्तिपाणि: ममायाहि शीघ्रम् ॥ २१॥
प्रणम्यासकृत्पादयोस्ते पतित्वा
प्रसाद्य प्रभो प्रार्थयेऽनेकवारम् ।
न वक्तुं क्षमोऽहं तदानीं कृपाब्धे
न कार्यान्तकाले मनागप्युपेक्षा ॥ २२॥
सहस्राण्डभोक्ता त्वया शूरनामा
हतस्तारकः सिंहवक्त्रश्च दैत्यः ।
ममान्तर्हृदिस्थं मनःक्लेशमेकं
न हंसि प्रभो किं करोमि क्व यामि ॥ २३ ॥
अहं सर्वदा दुःखभारावसन्न:
भवान्दीनबन्धु: त्वदन्यं न याचे ।
भवद्भक्तिरोधं सदा कॢप्तबाधं
ममाधिं द्रुतं नाशयोमासुत त्वम् ॥ २४ ॥
अपस्मारकुष्ठ-क्षयार्शःप्रमेह-
ज्वरोन्मादगुल्मादिरोगा महान्तः ।
पिशाचाश्च सर्वे भवत्पत्रभूतिं
विलोक्य क्षणात्तारकारे द्रवन्ते ॥ २५॥
दृशि स्कन्दमूर्तिः श्रुतौ स्कन्दकीर्ति:
मुखे मे पवित्रं सदा तच्चरित्रम् ।
करे तस्य कृत्यं वपुस्तस्य भृत्यं
गुहे सन्तु लीना: ममाशेषभावाः ॥ २६॥
मुनीनामुताहो नृणां भक्तिभाजाम्
अभीष्टप्रदास्सन्ति सर्वत्र देवाः ।
नृणामन्त्यजानामपि स्वार्थदाने
गुहाद्देवमन्यं न जाने न जाने ॥ २७॥
कलत्रं सुता बन्धुवर्गः पशुर्वा
नरो वाथ नारी गृहे ये मदीयाः ।
यजन्तो नमन्तः स्तुवन्तो भवन्तं
स्मरन्तश्च ते सन्तु सर्वे कुमार ॥ २८॥
मृगाः पक्षिणो दंशका ये च दुष्टा:
तथा व्याधयो बाधका ये मदङ्गे ।
भवच्छक्तितीक्ष्णाग्रभिन्नाः सुदूरे
विनश्यन्तु ते चूर्णितक्रौञ्जशैल ॥ २९॥
जनित्री पिता च स्वपुत्रापराधं
सहेते न किं देवसेनाधिनाथ ।
अहं चातिबालो भवान् लोकतातः
क्षमस्वापराधं समस्तं महेश ॥ ३०॥
नमः केकिने शक्तये चापि तुभ्यं
नमश्छाग तुभ्यं नमः कुक्कुटाय ।
नमः सिन्धवे सिन्धुदेशाय तुभ्यं
पुनः स्कन्दमूर्ते नमस्ते नमोऽस्तु ॥ ३१॥
जयानन्दभूमन् जयापारधामन्
जयामोघकीर्ते जयानन्दमूर्ते ।
जयानन्दसिन्धो जयाशेषबन्धो
जय त्वं सदा मुक्तिदानेशसूनो ॥ ३२॥
भुजङ्गाख्यवृत्तेन कॢप्तं स्तवं यः
पठेद्भक्तियुक्तो गुहं सम्प्रणम्य ।
सपुत्रं कलत्रं धनं दीर्घमायु:
लभेत्स्कन्दसायुज्यमन्ते नरः सः ॥ ३३॥
॥ इति श्रीमच्छङ्करभगवतः कृतौ
श्रीसुब्रह्मण्यभुजङ्गं सम्पूर्णम् ॥
ஸதா³ பா³லரூபா(அ)பி விக்⁴நாத்³ரிஹந்த்ரீ
மஹாத³ந்திவக்த்ரா(அ)பி பஞ்சாஸ்யமான்யா .
விதீ⁴ந்த்³ராதி³ம்ருʼக்³யா க³ணேஶாபி⁴தா⁴னா
வித⁴த்தாம்ʼ ஶ்ரியம்ʼ கா(அ)பி கல்யாணமூர்தி꞉ .. 1..
ந ஜாநாமி ஶப்³த³ம்ʼ ந ஜாநாமி சார்த²ம்ʼ
ந ஜாநாமி பத்³யம்ʼ ந ஜாநாமி க³த்³யம் .
சிதே³கா ஷடா³ஸ்யா ஹ்ருʼதி³ த்³யோததே மே
முகா²ந்நி꞉ஸரந்தே கி³ரஶ்சாபி சித்ரம் .. 2..
மயூராதி⁴ரூட⁴ம்ʼ மஹாவாக்யகூ³ட⁴ம்ʼ
மனோஹாரிதே³ஹம்ʼ மஹச்சித்தகே³ஹம் .
மஹீதே³வதே³வம்ʼ மஹாவேத³பா⁴வம்ʼ
மஹாதே³வபா³லம்ʼ ப⁴ஜே லோகபாலம் .. 3..
யதா³ ஸந்நிதா⁴னம்ʼ க³தா மானவா மே
ப⁴வாம்போ⁴தி⁴பாரம்ʼ க³தாஸ்தே ததை³வ .
இதி வ்யஞ்ஜயன்ஸிந்து⁴தீரே ய ஆஸ்தே
தமீடே³ பவித்ரம்ʼ பராஶக்திபுத்ரம் .. 4..
யதா²ப்³தே⁴ஸ்தரங்கா³꞉ லயம்ʼ யாந்தி துங்கா³꞉
ததை²வாபத³꞉ ஸந்நிதௌ⁴ ஸேவினாம் மே .
இதீவோர்மிபங்க்தீர்ந்ருʼணாம்ʼ த³ர்ஶயந்தம்ʼ
ஸதா³ பா⁴வயே ஹ்ருʼத்ஸரோஜே கு³ஹம்ʼ தம் .. 5..
கி³ரௌ மந்நிவாஸே நரா யே(அ)தி⁴ரூடா⁴:
ததா³ பர்வதே ராஜதே தே(அ)தி⁴ரூடா⁴: .
இதீவ ப்³ருவன்க³ந்த⁴ஶைலாதி⁴ரூட⁴꞉
ஸ தே³வோ முதே³ மே ஸதா³ ஷண்முகோ²(அ)ஸ்து .. 6..
மஹாம்போ⁴தி⁴தீரே மஹாபாபசோரே
முனீந்த்³ரானுகூலே ஸுக³ந்தா⁴க்²யஶைலே .
கு³ஹாயாம்ʼ வஸந்தம்ʼ ஸ்வபா⁴ஸா லஸந்தம்ʼ
ஜனார்திம்ʼ ஹரந்தம்ʼ ஶ்ரயாமோ கு³ஹம்ʼ தம் .. 7..
லஸத்ஸ்வர்ணகே³ஹே ந்ருʼணாம்ʼ காமதோ³ஹே
ஸுமஸ்தோமஸஞ்ச²ன்ன-மாணிக்யமஞ்சே .
ஸமுத்³யத்ஸஹஸ்ரார்க-துல்யப்ரகாஶம்ʼ
ஸதா³ பா⁴வயே கார்திகேயம்ʼ ஸுரேஶம் .. 8..
ரணத்³த⁴ம்ʼஸகே மஞ்ஜுளே(அ)த்யந்தஶோணே
மனோஹாரிலாவண்ய-பீயூஷபூர்ணே .
மன꞉ஷட்பதோ³ மே ப⁴வக்லேஶதப்த꞉
ஸதா³ மோத³தாம்ʼ ஸ்கந்த³ தே பாத³பத்³மே .. 9..
ஸுவர்ணாப⁴தி³வ்யாம்ப³ரை-ர்பா⁴ஸமானாம்ʼ
க்வணத்கிங்கிணீ-மேக²லாஶோப⁴மானாம் .
லஸத்³தே⁴மபட்டேன வித்³யோதமானாம்ʼ
கடிம்ʼ பா⁴வயே ஸ்கந்த³ தே தீ³ப்யமானாம் .. 10 ..
புலிந்தே³ஶகன்யா-க⁴நாபோ⁴க³துங்க³-
ஸ்தனாலிங்க³னாஸக்த-காஶ்மீரராக³ம் .
நமஸ்யாம்யஹம்ʼ தாரகாரே தவோர꞉
ஸ்வப⁴க்தாவனே ஸர்வதா³ ஸானுராக³ம் .. 11..
விதௌ⁴ க்லுʼப்தத³ண்டா³ன் ஸ்வலீலாத்⁴ருʼதாண்டா³ன்
நிரஸ்தேப⁴ஶுண்டா³ன் த்³விஷத்காலத³ண்டா³ன் .
ஹதேந்த்³ராரிஷண்டா³ன் ஜக³த்த்ராணஶௌண்டா³ன்
ஸதா³ தே ப்ரசண்டா³ன் ஶ்ரயே பா³ஹுத³ண்டா³ன் .. 12..
ஸதா³ ஶாரதா³꞉ ஷண்ம்ருʼகா³ங்கா யதி³ ஸ்யு꞉
ஸமுத்³யந்த ஏவ ஸ்தி²தாஶ்சேத்ஸமந்தாத் .
ஸதா³ பூர்ணபி³ம்பா³꞉ கலங்கைஶ்ச ஹீனா:
ததா³ த்வன்முகா²னாம்ʼ ப்³ருவே ஸ்கந்த³ ஸாம்யம் .. 13..
ஸ்பு²ரன்மந்த³ஹாஸை꞉ ஸஹம்ʼஸானி சஞ்சத்
கடாக்ஷாவளீப்⁴ருʼங்க³-ஸங்கோ⁴ஜ்ஜ்வலானி .
ஸுதா⁴ஸ்யந்தி³பி³ம்பா³த⁴ராணீஶஸூனோ
தவாலோகயே ஷண்முகா²ம்போ⁴ருஹாணி .. 14..
விஶாலேஷு கர்ணாந்ததீ³ர்கே⁴ஷு அஜஸ்ரம்ʼ
த³யாஸ்யந்தி³ஷு த்³வாத³ஶஸ்வீக்ஷணேஷு .
மயீஷத்கடாக்ஷ꞉ ஸக்ருʼத்பாதிதஶ்சேத்
ப⁴வேத்தே த³யாஶீல கா நாம ஹானி꞉ .. 15..
ஸுதாங்கோ³த்³ப⁴வோ மே(அ)ஸி ஜீவேதி ஷட்³தா⁴
ஜபன்மந்த்ரமீஶோ முதா³ ஜிக்⁴ரதே யான் .
ஜக³த்³பா⁴ரப்⁴ருʼத்³ப்⁴யோ ஜக³ந்நாத² தேப்⁴ய꞉
கிரீடோஜ்ஜ்வலேப்⁴யோ நமோ மஸ்தகேப்⁴ய꞉ .. 16..
ஸ்பு²ரத்³ரத்னகேயூரஹாராபி⁴ராம:
சலத்குண்ட³லஶ்ரீ-லஸத்³க³ண்ட³பா⁴க³꞉ .
கடௌ பீதவாஸா꞉ கரே சாருஶக்தி꞉
புரஸ்தான்மமாஸ்தாம்ʼ புராரேஸ்தனூஜ꞉ .. 17..
இஹாயாஹி வத்ஸேதி ஹஸ்தான்ப்ரஸார்ய
ஆஹ்வயதி ஆத³ராத் ஶங்கரே மாதுரங்காத் .
ஸமுத்பத்ய தாதம்ʼ ஶ்ரயந்தம்ʼ குமாரம்ʼ
ஹராஶ்லிஷ்டகா³த்ரம்ʼ ப⁴ஜே பா³லமூர்திம் .. 18..
குமாரேஶஸூனோ கு³ஹ ஸ்கந்த³ ஸேனா-
பதே ஶக்திபாணே மயூராதி⁴ரூட⁴ .
புலிந்தா³த்மஜாகாந்த ப⁴க்தார்திஹாரின்
ப்ரபோ⁴ தாரகாரே ஸதா³ ரக்ஷ மாம்ʼ த்வம் .. 19 ..
ப்ரஶாந்தேந்த்³ரியே நஷ்டஸஞ்ஜ்ஞே விசேஷ்டே
கபோ²த்³கா³ரிவக்த்ரே ப⁴யோத்கம்பிகா³த்ரே .
ப்ரயாணோன்முகே² மய்யநாதே² ததா³னீம்ʼ
த்³ருதம்ʼ மே த³யாளோ ப⁴வாக்³ரே கு³ஹ த்வம் .. 20..
க்ருʼதாந்தஸ்ய தூ³தேஷு சண்டே³ஷு கோபாத்
த³ஹ ச்சி²ந்த்³தி⁴ பி⁴ந்த்³தீ⁴தி மாம்ʼ தர்ஜயத்ஸு .
மயூரம்ʼ ஸமாருஹ்ய மா பை⁴ரிதி த்வம்ʼ
புரஶ்ஶக்திபாணி: மமாயாஹி ஶீக்⁴ரம் .. 21..
ப்ரணம்யாஸக்ருʼத்பாத³யோஸ்தே பதித்வா
ப்ரஸாத்³ய ப்ரபோ⁴ ப்ரார்த²யே(அ)னேகவாரம் .
ந வக்தும்ʼ க்ஷமோ(அ)ஹம்ʼ ததா³னீம்ʼ க்ருʼபாப்³தே⁴
ந கார்யாந்தகாலே மநாக³ப்யுபேக்ஷா .. 22..
ஸஹஸ்ராண்ட³போ⁴க்தா த்வயா ஶூரநாமா
ஹதஸ்தாரக꞉ ஸிம்ʼஹவக்த்ரஶ்ச தை³த்ய꞉ .
மமாந்தர்ஹ்ருʼதி³ஸ்த²ம்ʼ மன꞉க்லேஶமேகம்ʼ
ந ஹம்ʼஸி ப்ரபோ⁴ கிம்ʼ கரோமி க்வ யாமி .. 23 ..
அஹம்ʼ ஸர்வதா³ து³꞉க²பா⁴ராவஸன்ன:
ப⁴வாந்தீ³னப³ந்து⁴: த்வத³ன்யம்ʼ ந யாசே .
ப⁴வத்³ப⁴க்திரோத⁴ம்ʼ ஸதா³ க்லுʼப்தபா³த⁴ம்ʼ
மமாதி⁴ம்ʼ த்³ருதம்ʼ நாஶயோமாஸுத த்வம் .. 24 ..
அபஸ்மாரகுஷ்ட²-க்ஷயார்ஶ꞉ப்ரமேஹ-
ஜ்வரோன்மாத³கு³ள்மாதி³ரோகா³ மஹாந்த꞉ .
பிஶாசாஶ்ச ஸர்வே ப⁴வத்பத்ரபூ⁴திம்ʼ
விளோக்ய க்ஷணாத்தாரகாரே த்³ரவந்தே .. 25..
த்³ருʼஶி ஸ்கந்த³மூர்தி꞉ ஶ்ருதௌ ஸ்கந்த³கீர்தி:
முகே² மே பவித்ரம்ʼ ஸதா³ தச்சரித்ரம் .
கரே தஸ்ய க்ருʼத்யம்ʼ வபுஸ்தஸ்ய ப்⁴ருʼத்யம்ʼ
கு³ஹே ஸந்து லீனா: மமாஶேஷபா⁴வா꞉ .. 26..
முனீநாமுதாஹோ ந்ருʼணாம்ʼ ப⁴க்திபா⁴ஜாம்
அபீ⁴ஷ்டப்ரதா³ஸ்ஸந்தி ஸர்வத்ர தே³வா꞉ .
ந்ருʼணாமந்த்யஜாநாமபி ஸ்வார்த²தா³னே
கு³ஹாத்³தே³வமன்யம்ʼ ந ஜானே ந ஜானே .. 27..
களத்ரம்ʼ ஸுதா ப³ந்து⁴வர்க³꞉ பஶுர்வா
நரோ வாத² நாரீ க்³ருʼஹே யே மதீ³யா꞉ .
யஜந்தோ நமந்த꞉ ஸ்துவந்தோ ப⁴வந்தம்ʼ
ஸ்மரந்தஶ்ச தே ஸந்து ஸர்வே குமார .. 28..
ம்ருʼகா³꞉ பக்ஷிணோ த³ம்ʼஶகா யே ச து³ஷ்டா:
ததா² வ்யாத⁴யோ பா³த⁴கா யே மத³ங்கே³ .
ப⁴வச்ச²க்திதீக்ஷ்ணாக்³ரபி⁴ன்னா꞉ ஸுதூ³ரே
வினஶ்யந்து தே சூர்ணிதக்ரௌஞ்ஜஶைல .. 29..
ஜனித்ரீ பிதா ச ஸ்வபுத்ராபராத⁴ம்ʼ
ஸஹேதே ந கிம்ʼ தே³வஸேனாதி⁴நாத² .
அஹம்ʼ சாதிபா³லோ ப⁴வான் லோகதாத꞉
க்ஷமஸ்வாபராத⁴ம்ʼ ஸமஸ்தம்ʼ மஹேஶ .. 30..
நம꞉ கேகினே ஶக்தயே சாபி துப்⁴யம்ʼ
நமஶ்சா²க³ துப்⁴யம்ʼ நம꞉ குக்குடாய .
நம꞉ ஸிந்த⁴வே ஸிந்து⁴தே³ஶாய துப்⁴யம்ʼ
புன꞉ ஸ்கந்த³மூர்தே நமஸ்தே நமோ(அ)ஸ்து .. 31..
ஜயானந்த³பூ⁴மன் ஜயாபாரதா⁴மன்
ஜயாமோக⁴கீர்தே ஜயானந்த³மூர்தே .
ஜயானந்த³ஸிந்தோ⁴ ஜயாஶேஷப³ந்தோ⁴
ஜய த்வம்ʼ ஸதா³ முக்திதா³னேஶஸூனோ .. 32..
பு⁴ஜங்கா³க்²யவ்ருʼத்தேன க்லுʼப்தம்ʼ ஸ்தவம்ʼ ய꞉
படே²த்³ப⁴க்தியுக்தோ கு³ஹம்ʼ ஸம்ப்ரணம்ய .
ஸபுத்ரம்ʼ களத்ரம்ʼ த⁴னம்ʼ தீ³ர்க⁴மாயு:
லபே⁴த்ஸ்கந்த³ஸாயுஜ்யமந்தே நர꞉ ஸ꞉ .. 33..
.. இதி ஶ்ரீமச்ச²ங்கரப⁴க³வத꞉ க்ருʼதௌ
ஶ்ரீஸுப்³ரஹ்மண்யபு⁴ஜங்க³ம்ʼ ஸம்பூர்ணம் ..