நாராயணீயம் முதல் தசகம் ஒலிப்பதிவு; Narayaneeyam 1st Dashakam audio mp3

நாராயணீயம் முதல் தசகம் ஒலிப்பதிவு; Narayaneeyam 1st Dashakam audio mp3

Have given the 1st dashakam lyrics below, the way Govinda Damodara Swamigal splits while chanting. I have also attempted to chant that way in the recording above.

श्रीमन्नारायणीये प्रथमं दशकम्

सान्द्रानन्दावबोधात्मकं, अनुपमितं, कालदेशावधिभ्यां,

निर्मुक्तं नित्यमुक्तं, निगमशतसहस्रेण, निर्भास्यमानम् ।

अस्पष्टं, दृष्टमात्रे पुन:, उरुपुरुषार्थात्मकं, ब्रह्म तत्वं,

तत्तावत्, भाति साक्षात्, गुरुपवनपुरे, हन्त, भाग्यं जनानाम् ॥ १ ॥

 

एवंदुर्लभ्यवस्तुन्यपि, सुलभतया, हस्तलब्धे यदन्यत्,

तन्वा, वाचा धिया वा, भजति बत जन:, क्षुद्रतैव स्फुटेयम् ।

एते तावद्वयं तु, स्थिरतरमनसा, विश्वपीडापहत्यै,

निश्शेषात्मानमेनं, गुरुपवनपुराधीशमेव, आश्रयाम: ॥ २ ॥

 

सत्त्वं यत्तत् पराभ्यां, अपरिकलनतो, निर्मलं, तेन तावत्,

भूतै:, भूतेन्द्रियै:, ते वपुरिति, बहुश:, श्रूयते व्यासवाक्यम् ।

तत्, स्वच्छ्त्वात्, यत्, अच्छादित, परसुख,चिद्गर्भनिर्भासरूपं,

तस्मिन्, धन्या: रमन्ते, श्रुतिमतिमधुरे, सुग्रहे, विग्रहे ते ॥ ३ ॥

 

निष्कम्पे, नित्यपूर्णे, निरवधिपरमानन्दपीयूषरूपे,

निर्लीनानेक,मुक्तावलिसुभगतमे, निर्मलब्रह्मसिन्धौ ।

कल्लोलोल्लासतुल्यं, खलु विमलतरं, सत्त्वमाहुस्तदात्मा,

कस्मात्, नो निष्कलस्त्वं, सकल इति वच:, त्वत्कलास्वेव, भूमन् ॥ ४ ॥

 

निर्व्यापारोऽपि, निष्कारणं, अज भजसे, यत्क्रियामीक्षणाख्यां,

तेनैवोदेति, लीना प्रकृति:, असतिकल्पाऽपि, कल्पादिकाले ।

तस्या:, संशुद्धमंशं, कमपि तं, अतिरोधायकं, सत्त्वरूपं,

स त्वं धृत्वा, दधासि, स्वमहिम,विभवाकुण्ठ, वैकुण्ठ, रूपम् ॥ ५ ॥

 

तत्ते, प्रत्यग्र,धाराधर,ललितकलायावली,केलिकारं,

लावण्यस्यैकसारं, सुकृतिजनदृशां, पूर्ण,पुण्यावतारम् ।

लक्ष्मी,निश्शङ्कलीलानिलयनं, अमृतस्यन्दसन्दोहं, अन्तस्-

सिञ्चत्, सञ्चिन्तकानां, वपुरनुकलये, मारुतागार,नाथ ॥ ६ ॥

 

कष्टा, ते सृष्टिचेष्टा, बहुतर भवखेदावहा, जीवभाजां,

इत्येवं, पूर्वमालोचितं, अजित मया, नैवं, अद्य, अभिजाने ।

नोचेत्, जीवा: कथं वा, मधुरतरमिदं, त्वद्वपु:, चिद्रसार्द्रं,

नेत्रै:, श्रोत्रैश्च पीत्वा, परमरस,सुधाम्भोधिपूरे रमेरन् ॥ ७ ॥

 

नम्राणां, सन्निधत्से, सततमपि पुर:, तै:, अनभ्यर्थितानपि,

अर्थान्, कामान् अजस्रं वितरसि, परमानन्द,सान्द्रां गतिं च ।

इत्थं, निश्शेषलभ्य:, निरवधिकफल:, पारिजातो, हरे त्वं,

क्षुद्रं तं, शक्रवाटीद्रुमं, अभिलषति, व्यर्थं, अर्थिव्रजोऽयम् ॥ ८ ॥

 

कारुण्यात्काममन्यं, ददति खलु परे, स्वात्मदस्त्वं विशेषात्,

ऐश्वर्यात्, ईशतेऽन्ये, जगति परजने, स्वात्मनोऽपि, ईश्वरस्त्वम् ।

त्वयि उच्चैरारमन्ति, प्रतिपदमधुरे, चेतना:, स्फीतभाग्या:,

त्वं च, आत्माराम एवेति, अतुलगुणगणाधार, शौरे नमस्ते ॥ ९ ॥

 

ऐश्वर्यं, शङ्करादीश्वरविनियमनं, विश्वतेजोहराणां,

तेजस्संहारि वीर्यं, विमलमपि यश:, निस्पृहैश्चोपगीतम् ।

अङ्गासङ्गा:, सदा श्री:, अखिलविदसि, न क्वापि ते, सङ्गवार्ता,

तत् वातागारवासिन्, मुरहर, भगवच्छब्द,मुख्याश्रयोऽसि ॥ १० ॥

 

ॐ तत्सदिति श्रीमन्नारायणीये प्रथमं दशकं समाप्तम् |

श्री हरये नम: | रमा रमण गोविन्द, गोविन्द | श्रीकृष्णार्पणमस्तु |

If you prefer regular lyrics it can be found here – Narayaneeyam 1st dashakam.

Series Navigation

நாராயணீயம் இரண்டாவது தசகம் ஒலிப்பதிவு; Narayaneeyam 2nd Dashakam audio mp3 >>