நாராயணீயம் ஐம்பத்தி ஏழாவது தசகம் ஒலிப்பதிவு; Narayaneeyam 57th Dashakam audio mp3
Have given the 57th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये सप्तपञ्चाशं दशकम्
रामसख: क्वापि दिने, कामद भगवन्, गतो भवान् विपिनम् ।
सूनुभिरपि गोपानां, धेनुभि:, अभिसंवृतो, लसद्वेष: ॥ १ ॥
सन्दर्शयन् बलाय, स्वैरं बृन्दावनश्रियं, विमलाम् ।
काण्डीरै: सह बालै:, भाण्डीरकं, आगमो वटं क्रीडन् ॥ २ ॥
तावत्तावकनिधनस्पृहयालु:, गोपमूर्ति:, अदयालु: ।
दैत्य: प्रलम्बनामा, प्रलम्बबाहुं, भवन्तमापेदे ॥ ३ ॥
जानन्नप्यविजानन्निव, तेन समं, निबद्धसौहार्द: ।
वटनिकटे, पटुपशुपव्याबद्धं, द्वन्द्वयुद्धम्, आरब्धा: ॥ ४ ॥
गोपान् विभज्य तन्वन्, सङ्घं, बलभद्रकं, भवत्कमपि ।
त्वद्बलभीतं दैत्यं, त्वद्बलगतं, अन्वमन्यथा भगवन् ॥ ५ ॥
कल्पितविजेतृवहने समरे, परयूथगं, स्वदयिततरम् ।
श्रीदामानं, अधत्था:, पराजितो, भक्तदासतां प्रथयन् ॥ ६ ॥
एवं बहुषु विभूमन्, बालेषु वहत्सु वाह्यमानेषु ।
रामविजित: प्रलम्बो, जहार तं, दूरतो भवद्भीत्या ॥ ७ ॥
त्वद्दूरं गमयन्तं तं, दृष्ट्वा हलिनि, विहितगरिमभरे ।
दैत्य:, स्वरूपमागात्, यद्रूपात्, स हि बलोऽपि, चकितोऽभूत् ॥ ८ ॥
उच्चतया दैत्यतनो:, त्वन्मुखमालोक्य दूरतो राम: ।
विगतभयो दृढमुष्ट्या, भृशदुष्टं, सपदि पिष्टवानेनम् ॥ ९ ॥
हत्वा दानववीरं, प्राप्तं बलं, आलिलिङ्गिथ प्रेम्णा ।
तावन्मिलतोर्युवयो:, शिरसि कृता, पुष्पवृष्टि:, अमरगणै: ॥ १० ॥
आलम्बो भुवनानां, प्रालम्बं निधनमेवं, आरचयन् ।
कालं विहाय, सद्य:, लोलम्बरुचे, हरे, हरे: क्लेशान् ॥ ११ ॥
ॐ तत्सदिति श्रीमन्नारायणीये सप्तपञ्चाशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 57th dashakam.