நாராயணீயம் ஐம்பத்தி ஆறாவது தசகம் ஒலிப்பதிவு; Narayaneeyam 56th Dashakam audio mp3
Have given the 56th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये षट्पञ्चाशं दशकम्
रुचिरकम्पितकुण्डलमण्डल:, सुचिरमीश, ननर्तिथ पन्नगे ।
अमरताडितदुन्दुभिसुन्दरं, वियति गायति, दैवतयौवते ॥१॥
नमति यद्यदमुष्य शिरो हरे, परिविहाय, तदुन्नतमुन्नतम् ।
परिमथन् पदपङ्करुहा चिरं, व्यहरथा:, करतालमनोहरम् ॥२॥
त्वदवभग्नविभुग्नफणागणे, गलितशोणितशोणितपाथसि ।
फणिपतौ, अवसीदति सन्नता:, तदबला:, तव माधव पादयो: ॥३॥
अयि पुरैव चिराय परिश्रुत, त्वदनुभावविलीनहृदो हि ता: ।
मुनिभिरपि,अनवाप्यपथै: स्तवै:, नुनुवुरीश, भवन्तमयन्त्रितम् ॥४॥
फणिवधूगणभक्तिविलोकन,प्रविकसत्करुणाकुलचेतसा ।
फणिपतिर्भवता, अच्युत, जीवितस्त्वयि समर्पित,मूर्तिरवानमत् ॥५॥
रमणकं व्रज वारिधिमध्यगं, फणिरिपु:, न करोति विरोधिताम् ।
इति भवद्वचनान्यतिमानयन्, फणिपतिर्निरगादुरगै: समम् ॥६॥
फणिवधूजनदत्तमणिव्रज-ज्वलितहार,दुकूलविभूषित: ।
तटगतै: प्रमदाश्रुविमिश्रितै:, समगथा:, स्वजनैर्दिवसावधौ ॥७॥
निशि पुनस्तमसा, व्रजमन्दिरं, व्रजितुं, अक्षम एव जनोत्करे ।
स्वपिति, तत्र भवच्चरणाश्रये, दवकृशानु:, अरुन्ध समन्तत: ॥८॥
प्रबुधितान्, अथ पालय पालयेति, उदयदार्तरवान्, पशुपालकान् ।
अवितुमाशु पपाथ महानलं, किमिह चित्रं, अयं खलु ते मुखम् ॥९॥
शिखिनि वर्णत एव हि पीतता, परिलसति, अधुना, क्रिययाऽप्यसौ ।
इति नुत:, पशुपैर्मुदितैर्विभो, हर हरे, दुरितै:सह मे गदान् ॥१०॥
ॐ तत्सदिति श्रीमन्नारायणीये षट्पञ्चाशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 56th dashakam.