சங்கர பகவத்பாதர் அருளிய லலிதா பஞ்சரத்ன ஸ்தோத்ரம் ஒலிப்பதிவு
प्रातः स्मरामि ललितावदनारविन्दं
विम्बाधरं पृथुलमौक्तिकशोभिनासम् ।
आकर्णदीर्घनयनं मणिकुण्डलाढ्यं
मन्दस्मितं मृगमदोज्ज्वलफालदेशम् ॥१॥
प्रातर्भजामि ललिताभुजकल्पवल्लीं
रत्नाङ्गुलीयलसदङ्गुलिपल्लवाढ्याम् ।
माणिक्यहेमवलयाङ्गदशोभमानां
पुण्ड्रेक्षुचापकुसुमेषुसृणिर्दधानाम् ॥२॥
प्रातर्नमामि ललिताचरणारविन्दं
भक्तेष्टदाननिरतं भवसिन्धुपोतम् ।
पद्मासनादिसुरनायकपूजनीयं
पद्माङ्कुशध्वजसुदर्शनलाञ्छनाढ्यम् ॥३॥
प्रातः स्तुवे परशिवां ललितां भवानीं
त्रय्यन्तवेद्यविभवां करुणानवद्याम् ।
विश्वस्य सृष्टिविलयस्थितिहेतुभूतां
विश्वेश्वरीं निगमवाङ्मनसातिदूराम् ॥४॥
प्रातर्वदामि ललिते तव पुण्यनाम
कामेश्वरीति कमलेति महेश्वरीति ।
श्रीशाम्भवीति जगतां जननी परेति
वाग्देवतेति वचसा त्रिपुरेश्वरीति ॥५॥
यः श्लोकपञ्चकमिदं ललिताम्बिकायाः
सौभाग्यदं सुललितं पठति प्रभाते ।
तस्मै ददाति ललिता झटिति प्रसन्ना
विद्यां श्रियं विमलसौख्यमनन्तकीर्तिम् ॥६॥
ப்ராத꞉ ஸ்மராமி லலிதாவத³நாரவிந்த³ம்
விம்பா³த⁴ரம் ப்ருது²லமௌக்திகஶோபி⁴நாஸம் ।
ஆகர்ணதீ³ர்க⁴நயநம் மணிகுண்ட³லாட்⁴யம்
மந்த³ஸ்மிதம் ம்ருக³மதோ³ஜ்ஜ்வலபா²லதே³ஶம் ॥1॥
ப்ராதர்ப⁴ஜாமி லலிதாபு⁴ஜகல்பவல்லீம்
ரத்நாங்கு³லீயலஸத³ங்கு³லிபல்லவாட்⁴யாம் ।
மாணிக்யஹேமவலயாங்க³த³ஶோப⁴மாநாம்
புண்ட்³ரேக்ஷுசாபகுஸுமேஷுஸ்ருணிர்த³தா⁴நாம் ॥2॥
ப்ராதர்நமாமி லலிதாசரணாரவிந்த³ம்
ப⁴க்தேஷ்டதா³நநிரதம் ப⁴வஸிந்து⁴போதம் ।
பத்³மாஸநாதி³ஸுரநாயகபூஜநீயம்
பத்³மாங்குஶத்⁴வஜஸுத³ர்ஶநலாஞ்ச²நாட்⁴யம் ॥3॥
ப்ராத꞉ ஸ்துவே பரஶிவாம் லலிதாம் ப⁴வாநீம்
த்ரய்யந்தவேத்³யவிப⁴வாம் கருணாநவத்³யாம் ।
விஶ்வஸ்ய ஸ்ருஷ்டிவிலயஸ்தி²திஹேதுபூ⁴தாம்
விஶ்வேஶ்வரீம் நிக³மவாங்மநஸாதிதூ³ராம் ॥4॥
ப்ராதர்வதா³மி லலிதே தவ புண்யநாம
காமேஶ்வரீதி கமலேதி மஹேஶ்வரீதி ।
ஶ்ரீஶாம்ப⁴வீதி ஜக³தாம் ஜநநீ பரேதி
வாக்³தே³வதேதி வசஸா த்ரிபுரேஶ்வரீதி ॥5॥
ய꞉ ஶ்லோகபஞ்சகமித³ம் லலிதாம்பி³காயா꞉
ஸௌபா⁴க்³யத³ம் ஸுலலிதம் பட²தி ப்ரபா⁴தே ।
தஸ்மை த³தா³தி லலிதா ஜ²டிதி ப்ரஸந்நா
வித்³யாம் ஶ்ரியம் விமலஸௌக்²யமநந்தகீர்திம் ॥6॥