நாராயணீயம் ஒன்பதாவது தசகம் ஒலிப்பதிவு; Narayaneeyam 9th Dashakam audio mp3
Have given the 9th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये नवमं दशकम्
स्थितस्स कमलोद्भव:, तव हि नाभिपङ्केरुहे,
कुत: स्वित्, इदं अम्बुधौ, उदितमिति, अनालोकयन् ।
तदीक्षणकुतूहलात्, प्रतिदिशं, विवृत्तानन:,
चतुर्वदनतां, अगात्, विकसदष्ट,दृष्ट्यम्बुजाम् ॥ १ ॥
महार्णवविघूर्णितं, कमलमेव, तत्केवलं,
विलोक्य तदुपाश्रयं, तव तनुं तु, नालोकयन् ।
क एष कमलोदरे, महति, निस्सहायो ह्यहं,
कुत: स्वित्, इदमम्बुजं, समजनीति, चिन्तां अगात् ॥ २ ॥
अमुष्य हि सरोरुह:, किमपि कारणं, सम्भवेत्,
इति स्म कृतनिश्चय:, स खलु, नालरन्ध्राध्वना ।
स्वयोगबलविद्यया, समवरूढवान्, प्रौढधी:,
त्वदीयं, अतिमोहनं, न तु कलेबरं, दृष्टवान् ॥३॥
तत:, सकलनालिका,विवरमार्गगो, मार्गयन्,
प्रयस्य, शतवत्सरं, किमपि, नैव, संदृष्टवान् ।
निवृत्य, कमलोदरे, सुखनिषण्ण:, एकाग्रधी:,
समाधिबलं, आदधे, भवदनुग्रहैकाग्रही ॥ ४ ॥
शतेन परिवत्सरै:, दृढसमाधि,बन्धोल्लसत्,
प्रबोधविशदीकृत:, स खलु, पद्मिनीसम्भव: ।
अदृष्टचरं, अद्भुतं, तव हि रूपं, अन्तर्दृशा,
व्यचष्ट, परितुष्टधी:, भुजगभोगभागाश्रयम् ॥ ५ ॥
किरीटमुकुटोल्लसत्,कटकहारकेयूरयुग्,
मणिस्फुरितमेखलं, सुपरिवीतपीताम्बरम् ।
कलायकुसुमप्रभं, गलतलोल्लसत्कौस्तुभं,
वपुस्तत्, अयि भावये, कमलजन्मने, दर्शितम् ॥ ६ ॥
श्रुतिप्रकरदर्शितप्रचुरवैभव, श्रीपते,
हरे जय जय, प्रभो, पदमुपैषि, दिष्ट्या, दृशो: ।
कुरुष्व धियं, आशु मे, भुवननिर्मितौ, कर्मठां,
इति द्रुहिणवर्णित,स्वगुणबंहिमा, पाहि माम् ॥ ७ ॥
लभस्व, भुवनत्रयीरचनदक्षतां, अक्षतां,
गृहाण मदनुग्रहं, कुरु तपश्च, भूयो, विधे ।
भवतु, अखिलसाधनी, मयि च भक्ति:, अत्युत्कटेति,
उदीर्य गिरं, आदधा:, मुदितचेतसं, वेधसम् ॥ ८ ॥
शतं कृततपा:, तत: स खलु, दिव्यसंवत्सरान्,
अवाप्य च तपोबलं, मतिबलं च, पूर्वाधिकम् ।
उदीक्ष्य किल कम्पितं, पयसि पङ्कजं, वायुना,
भवद्बलविजृम्भित:, पवनपाथसी, पीतवान् ॥ ९ ॥
तवैव कृपया पुन:, सरसिजेन, तेनैव स:,
प्रकल्प्य, भुवनत्रयीं, प्रववृते, प्रजानिर्मितौ ।
तथाविध,कृपाभरो, गुरुमरुत्पुराधीश्वर,
त्वं, आशु परिपाहि मां, गुरुदयोक्षितै:, ईक्षितै: ॥ १० ॥
ॐ तत्सदिति श्रीमन्नारायणीये नवमं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 9th dashakam.