நாராயணீயம் முப்பத்தி ஒன்பதாவது தசகம் ஒலிப்பதிவு; Narayaneeyam 39th Dashakam audio mp3
Have given the 39th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये एकोनचत्वारिंशं दशकम्
भवन्तं अयमुद्वहन्, यदुकुलोद्वहो निस्सरन्,
ददर्श, गगनोच्चलज्जलभरां, कलिन्दात्मजाम् ।
अहो सलिलसञ्चय:, स पुन:, ऐन्द्रजालोदित:,
जलौघ इव, तत्क्षणात्, प्रपदमेयतां आययौ ॥ १ ॥
प्रसुप्तपशुपालिकां, निभृतं, आरुदद्बालिकां,
अपावृतकवाटिकां, पशुपवाटिकां आविशन् ।
भवन्तं अयमर्पयन्, प्रसवतल्पके तत्पदात्,
वहन्, कपटकन्यकां, स्वपुरमागतो वेगत: ॥ २ ॥
ततस्त्वदनुजारवक्षपितनिद्र,वेगद्रवद्-
भटोत्कर,निवेदितप्रसववार्तयैव, आर्तिमान् ।
विमुक्तचिकुरोत्करस्त्वरितं, आपतन् भोजराट्,
अतुष्ट इव दृष्टवान्, भगिनिकाकरे, कन्यकाम् ॥ ३ ॥
ध्रुवं कपटशालिनो, मधुहरस्य माया भवेत्,
असाविति किशोरिकां, भगिनिका,करालिङ्गिताम् ।
द्विपो नलिनिकान्तरादिव, मृणालिकामक्षिपन्,
अयं त्वदनुजां, अजां, उपलपट्टके पिष्टवान् ॥ ४ ॥
ततो भवदुपासको, झटिति मृत्युपाशादिव,
प्रमुच्य तरसैव सा, समधिरूढ,रूपान्तरा ।
अधस्तलं, अजग्मुषी, विकसदष्टबाहुस्फुरन्-
महायुधं, अहो गता किल, विहायसा दिद्युते ॥ ५ ॥
नृशंसतर कंस, ते किमु मया विनिष्पिष्टया,
बभूव, भवदन्तक: क्वचन चिन्त्यतां, ते हितम् ।
इति त्वदनुजा विभो, खलमुदीर्य तं, जग्मुषी,
मरुद्गणपणायिता, भुवि च, मन्दिराणि एयुषी ॥ ६ ॥
प्रगे पुन:, अगात्मजावचनं, ईरिता:, भूभुजा,
प्रलम्बबक,पूतनाप्रमुखदानवा:, मानिन: ।
भवन्निधनकाम्यया, जगति, बभ्रमु: निर्भया:,
कुमारकविमारका:, किमिव दुष्करं निष्कृपै: ॥ ७ ॥
तत: पशुपमन्दिरे, त्वयि मुकुन्द, नन्दप्रिया-
प्रसूतिशयनेशये, रुवति किञ्चित् अञ्चत्पदे ।
विबुध्य, वनिताजनै:, तनयसम्भवे घोषिते,
मुदा किमु वदाम्यहो, सकलमाकुलं गोकुलम् ॥ ८ ॥
अहो खलु यशोदया, नवकलायचेतोहरं,
भवन्तं, अलमन्तिके प्रथमं, आपिबन्त्या, दृशा ।
पुन:, स्तनभरं निजं, सपदि, पाययन्त्या मुदा,
मनोहरतनुस्पृशा, जगति, पुण्यवन्तो जिता: ॥ ९ ॥
भवत्कुशलकाम्यया, स खलु नन्दगोपस्तदा,
प्रमोदभरसङ्कुलो, द्विजकुलाय, किन्नाददात् ।
तथैव पशुपालका:, किमु न मङ्गलं तेनिरे,
जगत्त्रितयमङ्गल, त्वमिह पाहि मां, आमयात् ॥ १० ॥
ॐ तत्सदिति श्रीमन्नारायणीये एकोनचत्वारिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 39th dashakam.