நாராயணீயம் நாற்பதாவது தசகம் ஒலிப்பதிவு; Narayaneeyam 40th Dashakam audio mp3
Have given the 40th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये चत्वारिंशं दशकम्
तदनु नन्दं, अमन्दशुभास्पदं, नृपपुरीं, करदानकृते गतम्।
समवलोक्य जगाद, भवत्पिता, विदितकंससहायजनोद्यम: ॥ १ ॥
अयि सखे, तव बालकजन्म, मां सुखयते अद्य, निजात्मजजन्मवत् ।
इति, भवत्पितृतां, व्रजनायके समधिरोप्य, शशंस, तमादरात् ॥ २ ॥
इह च सन्ति, अनिमित्तशतानि ते, कटकसीम्नि, ततो लघु गम्यताम् ।
इति च, तद्वचसा, व्रजनायको, भवदपायभिया, द्रुतमाययौ ॥ ३ ॥
अवसरे खलु तत्र च काचन, व्रजपदे मधुराकृति:, अङ्गना ।
तरलषट्पदलालितकुन्तला, कपटपोतक, ते निकटं गता ॥ ४ ॥
सपदि सा, हृतबालकचेतना, निशिचरान्वयजा किल, पूतना ।
व्रजवधूष्विह, केयमिति क्षणं, विमृशतीषु, भवन्तं, उपाददे ॥ ५ ॥
ललितभावविलास,हृतात्मभि:, युवतिभि: प्रतिरोद्धुं, अपारिता ।
स्तनमसौ, भवनान्तनिषेदुषी, प्रददुषी भवते, कपटात्मने ॥ ६ ॥
समधिरुह्य तदङ्कं, अशङ्कित:, त्वमथ, बालकलोपनरोषित: ।
महदिवाम्रफलं, कुचमण्डलं, प्रतिचुचूषिथ, दुर्विषदूषितम् ॥ ७ ॥
असुभिरेव समं धयति त्वयि, स्तनमसौ स्तनितोपमनिस्वना ।
निरपतत्, भयदायि निजं वपु: प्रतिगता, प्रविसार्य भुजावुभौ ॥ ८ ॥
भयदघोषण,भीषणविग्रह,श्रवणदर्शन,मोहितवल्लवे ।
व्रजपदे, तदुर:स्थलखेलनं, ननु भवन्तं, अगृह्णत, गोपिका: ॥ ९ ॥
भुवनमङ्गलनामभिरेव, ते, युवतिभिर्बहुधा, कृतरक्षण: ।
त्वमयि वातनिकेतन,नाथ, मामगदयन्, कुरु तावकसेवकम् ॥ १० ॥
ॐ तत्सदिति श्रीमन्नारायणीये चत्वारिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 40th dashakam.