நாராயணீயம் நாற்பத்தி ஒன்றாவது தசகம் ஒலிப்பதிவு; Narayaneeyam 41st Dashakam audio mp3
Have given the 41st dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये एकचत्वारिंशं दशकम्
व्रजेश्वर:, शौरिवचो निशम्य, समाव्रजन्, अध्वनि भीतचेता: ।
निष्पिष्ट,निश्शेषतरुं निरीक्ष्य, कञ्चित्पदार्थं, शरणं गतस्त्वाम् ॥ १ ॥
निशम्य, गोपीवचनात् उदन्तं, सर्वेऽपि गोपा:, भयविस्मयान्धा: ।
त्वत्पातितं, घोरपिशाचदेहं, देहुर्विदूरेऽथ, कुठारकृत्तम् ॥ २ ॥
त्वत्पीतपूतस्तनतच्छरीरात्, समुच्चलन्, उच्चतरो हि धूम: ।
शङ्कामधात्, आगरव: किमेष:, किं चान्दनो, गौल्गुलवोऽथवेति ॥ ३ ॥
मदङ्गसङ्गस्य फलं, न दूरे, क्षणेन तावत्, भवतामपि स्यात् ।
इत्युल्लपन्, वल्लवतल्लजेभ्य:, त्वं पूतनां, आतनुथा: सुगन्धिम् ॥ ४ ॥
चित्रं पिशाच्या, न हत: कुमार:, चित्रं पुरैवाकथि, शौरिणेदम् ।
इति प्रशंसन् किल, गोपलोको, भवन्मुखालोकरसे, न्यमाङ्क्षीत् ॥ ५ ॥
दिनेदिनेऽथ, प्रतिवृद्धलक्ष्मी:, अक्षीणमङ्गल्यशतो व्रजोऽयम् ।
भवन्निवासात्, अयि वासुदेव, प्रमोदसान्द्र:, परितो विरेजे ॥ ६ ॥
गृहेषु ते, कोमलरूपहास, मिथ:कथासङ्कुलिता:, कमन्य: ।
वृत्तेषु कृत्येषु, भवन्निरीक्षासमागता:, प्रत्यहं, अत्यनन्दन् ॥ ७ ॥
अहो कुमारो, मयि दत्तदृष्टि:, स्मितं कृतं मां प्रति वत्सकेन ।
एह्येहि मां, इत्युपसार्य पाणिं, त्वयीश किं किं, न कृतं वधूभि: ॥ ८ ॥
भवद्वपु:स्पर्शनकौतुकेन, करात्करं, गोपवधूजनेन ।
नीतस्त्वं, आताम्रसरोजमाला,व्यालम्बिलोलम्बतुलां अलासी: ॥ ९ ॥
निपाययन्ती स्तनं, अङ्कगं त्वां, विलोकयन्ती वदनं, हसन्ती ।
दशां, यशोदा, कतमां न भेजे, स तादृश: पाहि, हरे गदान्माम् ॥ १० ॥
ॐ तत्सदिति श्रीमन्नारायणीये एकचत्वारिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 41st dashakam.