நாராயணீயம் முப்பத்தி எட்டாவது தசகம் ஒலிப்பதிவு; Narayaneeyam 38th Dashakam audio mp3
Have given the 38th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये अष्टात्रिंशं दशकम्
आनन्दरूप, भगवन्, अयि तेऽवतारे प्राप्ते, प्रदीप्तभवदङ्गनिरीयमाणै: ।
कान्तिव्रजैरिव, घनाघनमण्डलैर्द्यां, आवृण्वती विरुरुचे किल, वर्षवेला ॥ १ ॥
आशासु, शीतलतरासु, पयोदतोयै:, आशासिताप्तिविवशेषु च, सज्जनेषु ।
नैशाकरोदयविधौ, निशि मध्यमायां, क्लेशापहस्त्रिजगतां त्वं, इहाविरासी: ॥ २ ॥
बाल्यस्पृशाऽपि, वपुषा, दधुषा विभूती:, उद्यत्किरीटकटकाङ्गद,हारभासा ।
शङ्खारि,वारिजगदापरिभासितेन, मेघासितेन, परिलेसिथ, सूतिगेहे ॥ ३ ॥
वक्ष:स्थली,सुखनिलीनविलासि,लक्ष्मीमन्दाक्षलक्षितकटाक्ष,विमोक्षभेदै: ।
तन्मन्दिरस्य खलकंसकृतामलक्ष्मीं, उन्मार्जयन्निव, विरेजिथ, वासुदेव ॥ ४ ॥
शौरिस्तु, धीरमुनिमण्डलचेतसोऽपि, दूरस्थितं वपुरुदीक्ष्य, निजेक्षणाभ्याम् ॥
आनन्दबाष्पपुलकोद्गमगद्गदार्द्र:, तुष्टाव, दृष्टिमकरन्दरसं, भवन्तम् ॥ ५ ॥
देव प्रसीद, परपूरुष, तापवल्ली,निर्लूनिदात्रसम,नेत्रकला,विलासिन् ।
खेदान्, अपाकुरु, कृपागुरुभि: कटाक्षै:, इत्यादि तेन, मुदितेन, चिरं, नुतोऽभू: ॥ ६ ॥
मात्रा च, नेत्रसलिलास्तृतगात्रवल्या, स्तोत्रैरभिष्टुतगुण:, करुणालयस्त्वम् ।
प्राचीनजन्मयुगलं, प्रतिबोध्य ताभ्यां, मातुर्गिरा दधिथ, मानुषबालवेषम् ॥ ७ ॥
त्वत्प्रेरितस्तदनु, नन्दतनूजया, ते व्यत्यासं, आरचयितुं, स हि शूरसूनु: ।
त्वां, हस्तयोरधित, चित्तविधार्यमार्यै:, अम्भोरुहस्थ,कलहंसकिशोररम्यम् ॥ ८ ॥
जाता तदा, पशुपसद्मनि, योगनिद्रा, निद्राविमुद्रितं, अथाकृत पौरलोकम् ।
त्वत्प्रेरणात्, किमिव चित्रं, अचेतनैर्यत्, द्वारै: स्वयं व्यघटि, सङ्घटितै: सुगाढम् ॥ ९ ॥
शेषेण, भूरिफणवारितवारिणाऽथ, स्वैरं प्रदर्शितपथो, मणिदीपितेन ।
त्वां धारयन्, स खलु, धन्यतम: प्रतस्थे, सोऽयं त्वमीश, मम नाशय, रोगवेगान् ॥ १० ॥
ॐ तत्सदिति श्रीमन्नारायणीये अष्टात्रिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 38th dashakam.