நாராயணீயம் நாற்பத்தி ஆறாவது தசகம் ஒலிப்பதிவு; Narayaneeyam 46th Dashakam audio mp3
Have given the 46th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये षड्चत्वारिंशं दशकम्
अयि देव पुरा किल त्वयि, स्वयमुत्तानशये, स्तनन्धये ।
परिजृम्भणतो, व्यपावृते वदने, विश्वमचष्ट वल्लवी ॥ १ ॥
पुनरप्यथ बालकै: समं, त्वयि लीलानिरते, जगत्पते ।
फलसञ्चयवञ्चनक्रुधा, तव मृद्भोजनं, ऊचुरर्भका: ॥ २ ॥
अयि ते, प्रलयावधौ विभो, क्षितितोयादि,समस्तभक्षिण: ।
मृदुपाशनतो, रुजा भवेत्, इति भीता, जननी चुकोप सा ॥ ३ ॥
अयि दुर्विनयात्मक त्वया, किं, मृत्सा बत वत्स, भक्षिता ।
इति मातृगिरं, चिरं विभो, वितथां त्वं, प्रतिजज्ञिषे हसन् ॥ ४ ॥
अयि ते, सकलैर्विनिश्चिते, विमतिश्चेद्वदनं, विदार्यताम् ।
इति मातृविभर्त्सितो मुखं, विकसत्पद्मनिभं, व्यदारय: ॥ ५ ॥
अपि मृल्लवदर्शनोत्सुकां, जननीं तां बहु तर्पयन्निव ।
पृथिवीं निखिलां न केवलं, भुवनान्यप्यखिलानि, अदीदृश: ॥ ६ ॥
कुहचित्, वनमम्बुधि: क्वचित्, क्वचिदभ्रं, कुहचिद्रसातलम् ।
मनुजा दनुजा: क्वचित् सुरा:, ददृशे किं न तदा त्वदानने ॥ ७ ॥
कलशाम्बुधिशायिनं पुन:, परवैकुण्ठपदाधिवासिनम् ।
स्वपुरश्च निजार्भकात्मकं, कतिधा त्वां, न ददर्श सा मुखे ॥ ८ ॥
विकसद्भुवने मुखोदरे, ननु भूयोऽपि, तथाविधानन: ।
अनया स्फुटमीक्षितो भवान्, अनवस्थां जगतां, बतातनोत् ॥ ९ ॥
धृततत्वधियं तदा क्षणं, जननीं तां प्रणयेन मोहयन् ।
स्तनमम्ब दिशेत्युपासजन्, भगवन्, अत्भुतबाल पाहि माम् ॥ १० ॥
ॐ तत्सदिति श्रीमन्नारायणीये षड्चत्वारिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 46th dashakam.
One reply on “நாராயணீயம் நாற்பத்தி ஆறாவது தசகம் ஒலிப்பதிவு; Narayaneeyam 46th Dashakam audio mp3”
Thank you so much Anna. Supera irukku, very helpful and useful for learners and listeners like me 🙏🏻🙏🏻