நாராயணீயம் நாற்பத்தி ஐந்தாவது தசகம் ஒலிப்பதிவு; Narayaneeyam 45th Dashakam audio mp3
Have given the 45th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये पञ्चचत्वारिंशं दशकम्
अयि सबल मुरारे, पाणिजानुप्रचारै:,
किमपि, भवनभागान्, भूषयन्तौ भवन्तौ ।
चलितचरणकञ्जौ, मञ्जुमञ्जीर,शिञ्जा
श्रवणकुतुकभाजौ, चेरतु: चारुवेगात् ॥ १ ॥
मृदु मृदु विहसन्तौ, उन्मिषद्दन्तवन्तौ,
वदनपतितकेशौ, दृश्यपादाब्जदेशौ ।
भुजगलितकरान्त,व्यालगत्कङ्कणाङ्कौ,
मतिं अहरतं उच्चै:, पश्यतां, विश्वनॄणाम् ॥ २ ॥
अनुसरति जनौघे, कौतुकव्याकुलाक्षे,
किमपि कृतनिनादं, व्याहसन्तौ, द्रवन्तौ ।
वलितवदनपद्मं, पृष्ठतो दत्तदृष्टी,
किमिव, न विदधाथे, कौतुकं वासुदेव ॥ ३ ॥
द्रुतगतिषु पतन्तौ, उत्थितौ लिप्तपङ्कौ,
दिवि, मुनिभि:, अपङ्कै:, सस्मितं वन्द्यमानौ ।
द्रुतमथ, जननीभ्यां, सानुकम्पं गृहीतौ,
मुहुरपि परिरब्धौ, द्राग्युवां चुम्बितौ च ॥ ४ ॥
स्नुतकुचभरं, अङ्के धारयन्ती, भवन्तं,
तरलमति, यशोदा, स्तन्यदा धन्यधन्या ।
कपटपशुप, मध्ये मुग्धहासाङ्कुरं ते,
दशनमुकुलहृद्यं, वीक्ष्य वक्त्रं जहर्ष ॥ ५ ॥
तदनुचरणचारी दारकैस्साकं, आरान्-
निलयततिषु, खेलन्, बालचापल्य,शाली ।
भवनशुकबिडालान्, वत्सकांश्चानुधावन्,
कथमपि, कृतहासै: गोपकै:, वारितोऽभू: ॥ ६ ॥
हलधरसहितस्त्वं, यत्र यत्रोपयात:,
विवशपतितनेत्रा:, तत्र तत्रैव गोप्य: ।
विगलितगृहकृत्या:, विस्मृतापत्यभृत्या:,
मुरहर, मुहु:, अत्यन्ताकुला:, नित्यमासन् ॥ ७ ॥
प्रतिनवनवनीतं, गोपिकादत्तमिच्छन्,
कलपदं उपगायन्, कोमलं क्वापि नृत्यन् ।
सदययुवतिलोकै: अर्पितं सर्पिरश्नन्,
क्वचन नवविपक्वं, दुग्धमपि आपिबस्त्वम् ॥ ८ ॥
मम खलु बलिगेहे, याचनं जातं, आस्तां,
इह पुन:, अबलानां, अग्रत:, नैव कुर्वे ।
इति विहितमति: किं देव, सन्त्यज्य याच्ञां,
दधिघृतं, अहरस्त्वं, चारुणा, चोरणेन ॥ ९ ॥
तव दधिघृतमोषे, घोषयोषाजनानां,
अभजत, हृदि रोषो, नावकाशं न शोक: ।
हृदयमपि मुषित्वा, हर्षसिन्धौ न्यधास्त्वं,
स, मम शमय रोगान्, वातगेहाधिनाथ ॥ १० ॥
ॐ तत्सदिति श्रीमन्नारायणीये पञ्चचत्वारिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 45rd dashakam.