நாராயணீயம் ஐம்பத்தி மூன்றாவது தசகம் ஒலிப்பதிவு; Narayaneeyam 53rd Dashakam audio mp3
Have given the 53rd dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये त्रिपञ्चाशं दशकम्
अतीत्य बाल्यं, जगतां पते त्वं, उपेत्य पौगण्डवयो, मनोज्ञम् ।
उपेक्ष्य वत्सावनं, उत्सवेन, प्रावर्तथा:, गोगणपालनायाम् ॥ १ ॥
उपक्रमस्य, अनुगुणैव सेयं, मरुत्पुराधीश, तव प्रवृत्ति: ।
गोत्रापरित्राणकृतेऽवतीर्ण:, तदेव देव, आरभथास्तदा यत् ॥ २ ॥
कदापि, रामेण समं वनान्ते, वनश्रियं वीक्ष्य चरन्, सुखेन ।
श्रीदामनाम्न:, स्वसखस्य वाचा, मोदादगा:, धेनुककाननं त्वम् ॥ ३ ॥
उत्तालतालीनिवहे त्वदुक्त्या, बलेन धूतेऽथ, बलेन दोर्भ्याम् ।
मृदु: खरश्चाभ्यपतत्पुरस्तात्, फलोत्करो, धेनुकदानवोऽपि ॥ ४ ॥
समुद्यतो, धेनुकपालनेऽहं, कथं वधं धेनुकं, अद्य कुर्वे ।
इतीव मत्वा ध्रुवं, अग्रजेन, सुरौघयोद्धारं, अजीघनस्त्वम् ॥ ५ ॥
तदीयभृत्यानपि जम्बुकत्वेन, उपागतान्, अग्रजसंयुतस्त्वम् ।
जम्बूफलानीव, तदा निरास्थ:, तालेषु खेलन्, भगवन् निरास्थ: ॥ ६ ॥
विनिघ्नति त्वय्यथ, जम्बुकौघं, सनामकत्वात्, वरुणस्तदानीम् ।
भयाकुलो, जम्बुकनामधेयं, श्रुतिप्रसिद्धं, व्यधितेति मन्ये ॥ ७ ॥
तवावतारस्य फलं, मुरारे, सञ्जातमद्येति, सुरैर्नुतस्त्वम् ।
सत्यं फलं जातं, इहेति हासी, बालै: समं, तालफलानि अभुङ्क्था: ॥ ८ ॥
मधुद्रवस्रुन्ति बृहन्ति तानि, फलानि, मेदोभरभृन्ति भुक्त्वा ।
तृप्तैश्च दृप्तै:, भवनं फलौघं, वहद्भिरागा: खलु, बालकैस्त्वम् ॥ ९ ॥
हतो हतो, धेनुक इत्युपेत्य, फलान्यदद्भि:, मधुराणि लोकै: ।
जयेति जीवेति, नुतो विभो त्वं, मरुत्पुराधीश्वर, पाहि रोगात् ॥ १० ॥
ॐ तत्सदिति श्रीमन्नारायणीये त्रिपञ्चाशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 53rd dashakam.