நாராயணீயம் ஐம்பத்தி நான்காவது தசகம் ஒலிப்பதிவு; Narayaneeyam 54th Dashakam audio mp3
Have given the 54th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये चतु:पञ्चाशं दशकम्
त्वत्सेवोत्कस्सौभरिर्नाम, पूर्वं, कालिन्द्यन्त:, द्वादशाब्दम्, तपस्यन् ।
मीनव्राते, स्नेहवान् भोगलोले, तार्क्ष्यं साक्षात्, ऐक्षताग्रे, कदाचित् ॥ १ ॥
त्वद्वाहं तं, सक्षुधं तृक्षसूनुं, मीनं कञ्चित्, जक्षतं लक्षयन् स: ।
तप्तश्चित्ते, शप्तवान् अत्र चेत्त्वं, जन्तून् भोक्ता, जीवितं चापि, मोक्ता ॥ २ ॥
तस्मिन् काले, कालिय:, क्ष्वेलदर्पात्, सर्पाराते: कल्पितं, भागं, अश्नन् ।
तेन क्रोधात्, त्वत्पदाम्भोजभाजा, पक्षक्षिप्त:, तद्दुरापं पयोऽगात् ॥ ३ ॥
घोरे तस्मिन्, सूरजानीरवासे, तीरे वृक्षा:, विक्षता: क्ष्वेलवेगात् ।
पक्षिव्राता:, पेतुरभ्रे पतन्त:, कारुण्यार्द्रं, त्वन्मन:, तेन जातम् ॥ ४ ॥
काले तस्मिन्, एकदा सीरपाणिं, मुक्त्वा याते, यामुनं काननान्तम् ।
त्वयि, उद्दामग्रीष्मभीष्मोष्मतप्ता:, गोगोपाला:, व्यापिबन् क्ष्वेलतोयम् ॥ ५ ॥
नश्यज्जीवान्, विच्युतान् क्ष्मातले तान्, विश्वान् पश्यन्, अच्युत, त्वं दयार्द्र: ।
प्राप्योपान्तं, जीवयामासिथ द्राक्, पीयूषाम्भो,वर्षिभि:, श्रीकटाक्षै: ॥ ६ ॥
किं किं जातो, हर्षवर्षातिरेक:, सर्वाङ्गेषु, इति, उत्थिता:, गोपसङ्घा: ।
दृष्ट्वाऽग्रे त्वां, त्वत्कृतं तद्विदन्त:, त्वामालिङ्गन्, दृष्ट,नानाप्रभावा: ॥ ७ ॥
गावश्चैवं, लब्धजीवा:, क्षणेन, स्फीतानन्दा:, त्वां च दृष्ट्वा, पुरस्तात् ।
द्रागावव्रु:, सर्वतो हर्षबाष्पं, व्यामुञ्चन्त्यो, मन्दमुद्यन्, निनादा: ॥ ८ ॥
रोमाञ्चोऽयं, सर्वतो न: शरीरे, भूयसी:, अन्त: काचित्, आनन्दमूर्छा ।
आश्चर्योऽयं, क्ष्वेलवेगो मुकुन्देति, उक्तो गोपै:, नन्दितो वन्दितोऽभू: ॥ ९ ॥
एवं भक्तान्, मुक्तजीवानपि त्वं, मुग्धापाङ्गै:, अस्तरोगान् तनोषि ।
तादृग्भूतस्फीत,कारुण्यभूमा, रोगात् पाया:, वायुगेहाधिनाथ ॥ १० ॥
ॐ तत्सदिति श्रीमन्नारायणीये चतु:पञ्चाशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 54th dashakam.