நாராயணீயம் அறுபத்தி இரண்டாவது தசகம் ஒலிப்பதிவு; Narayaneeyam 62nd Dashakam audio mp3
Have given the 62nd dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये द्विषष्टितमं दशकम्
कदाचिद्गोपालान्, विहितमखसम्भार,विभवान्,
निरीक्ष्य त्वं शौरे, मघवमदं, उद्ध्वंसितुमना: ।
विजानन्नप्येतान्, विनयमृदु, नन्दादिपशुपान्,
अपृच्छ:, को वाऽयं जनक, भवतां, उद्यम इति ॥ १ ॥
बभाषे नन्दस्त्वां, सुत, ननु विधेयो, मघवतो
मखो, वर्षे वर्षे, सुखयति, स वर्षेण पृथिवीम् ।
नृणां वर्षायत्तं, निखिलमुपजीव्यं महितले,
विशेषात्, अस्माकं, तृणसलिलजीवा हि, पशव: ॥ २ ॥
इति श्रुत्वा वाचं पितु:, अयि भवान्, आह सरसं,
धिगेतत्, नो सत्यं, मघवजनिता, वृष्टिरिति यत् ।
अदृष्टं जीवानां, सृजति खलु वृष्टिं, समुचितां,
महारण्ये, वृक्षा:, किमिव बलिं, इन्द्राय ददते ॥ ३ ॥
इदं तावत् सत्यं, यदिह पशवो न: कुलधनं,
तदाजीव्याय, असौ बलि:, अचलभर्त्रे, समुचित: ।
सुरेभ्योपि, उत्कृष्टा:, ननु, धरणिदेवा:, क्षितितले,
तत:, तेपि, आराध्या:, इति जगदिथ, त्वं निजजनान् ॥ ४ ॥
भवद्वाचं श्रुत्वा, बहुमतियुतास्तेऽपि, पशुपा:,
द्विजेन्द्रान्, अर्चन्तो, बलिं अददु:, उच्चै:, क्षितिभृते ।
व्यधु: प्रादक्षिण्यं, सुभृशमनमन्, आदरयुता:,
त्वमादश्शैलात्मा, बलिमखिलं, आभीर,पुरत: ॥ ५ ॥
अवोचश्चैवं तान्, किमिह, वितथं मे निगदितं,
गिरीन्द्रो नन्वेष:, स्वबलिं, उपभुङ्क्ते, स्ववपुषा ।
अयं गोत्रो, गोत्रद्विषि च कुपिते, रक्षितुं, अलं
समस्तान्, इत्युक्ता:, जहृषु:, अखिला:, गोकुलजुष: ॥ ६ ॥
परिप्रीता याता: खलु, भवदुपेता:, व्रजजुष:,
व्रजं यावत्तावत्, निजमख,विभङ्गं निशमयन् ।
भवन्तं जानन्नपि, अधिकरजसाऽऽक्रान्तहृदय:,
न सेहे, देवेन्द्र:, त्वदुप,रचितात्मोन्नतिरपि ॥ ७ ॥
मनुष्यत्वं यातो, मधुभिदपि, देवेष्वविनयं,
विधत्ते चेत्, नष्टस्त्रिदशसदसां, कोऽपि महिमा ।
ततश्च ध्वंसिष्ये, पशुपहतकस्य श्रियमिति,
प्रवृत्तस्त्वां जेतुं, स किल मघवा, दुर्मदनिधि: ॥ ८ ॥
त्वदावासं हन्तुं, प्रलयजलदान्, अम्बरभुवि,
प्रहिण्वन्, बिभ्राण: कुलिशं, अयमभ्रेभगमन: ।
प्रतस्थे, अन्यै:, अन्तर्दहनमरुदाद्यैर्विहसित:,
भवन्माया नैव, त्रिभुवनपते, मोहयति कम् ॥ ९ ॥
सुरेन्द्र:, क्रुद्धश्चेत्, द्विजकरुणया, शैलकृपयापि,
अनातङ्क:, अस्माकं नियत:, इति, विश्वास्य, पशुपान् ।
अहो किन्नायातो, गिरिभिदिति, सञ्चिन्त्य निवसान्,
मरुद्गेहाधीश, प्रणुद, मुरवैरिन्, मम गदान् ॥ १० ॥
ॐ तत्सदिति श्रीमन्नारायणीये द्विषष्टितमं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 62nd dashakam.