நாராயணீயம் அறுபத்தி மூன்றாவது தசகம் ஒலிப்பதிவு; Narayaneeyam 63rd Dashakam audio mp3
Have given the 63rd dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये त्रिषष्टितमं दशकम्
ददृशिरे किल तत्क्षणं, अक्षत-स्तनितजृम्भितकम्पितदिक्तटा: ।
सुषमया, भवदङ्गतुलां गता:, व्रजपदोपरि वारिधरास्त्वया ॥ १ ॥
विपुलकरकमिश्रै:, तोयधारानिपातै:, दिशिदिशि पशुपानां, मण्डले, दण्ड्यमाने ।
कुपितहरिकृतात्, न:, पाहि पाहीति, तेषां वचनं, अजित, श्रृण्वन्, मा बिभीत, इत्यभाणी: ॥ २ ॥
कुल इह खलु, गोत्रो दैवतं, गोत्रशत्रो-र्विहितमिह, स रुन्ध्यात्, को नु व:, संशयोऽस्मिन् ।
इति, सहसितवादी, देव, गोवर्द्धनाद्रिं, त्वरितं, उदमुमूलो, मूलतो, बालदोर्भ्याम् ॥ ३ ॥
तदनु, गिरिवरस्य, प्रोद्धृतस्यास्य तावत्, सिकतिलमृदुदेशे, दूरतो, वारितापे ।
परिकरपरिमिश्रान्, धेनुगोपान्, अधस्तात्, उपनिदधत्, अधत्था:, हस्तपद्मेन, शैलम् ॥ ४ ॥
भवति विधृतशैले, बालिकाभिर्वयस्यै:, अपि विहितविलासं, केलिलापादि,लोले ।
सविधमिलितधेनू:, एकहस्तेन कण्डूयति सति, पशुपाला:, तोषमैषन्त सर्वे ॥ ५ ॥
अतिमहान्, गिरिरेष तु वामके, करसरोरुहि तं, धरते चिरम् ।
किमिदं, अद्भुतं, अद्रिबलं न्विति, त्वदवलोकिभि:, आकथि गोपकै: ॥ ६ ॥
अहह धार्ष्ट्यं, अमुष्य वटो:, गिरिं, व्यथितबाहु:, असौ अवरोपयेत् ।
इति हरि:, त्वयि बद्धविगर्हण:, दिवससप्तकं,उग्रमवर्षयत् ॥ ७ ॥
अचलति, त्वयि देव पदात् पदं, गलितसर्वजले च, घनोत्करे ।
अपहृते मरुता, मरुतां पति:, त्वदभिशङ्कितधी:, समुपाद्रवत् ॥ ८ ॥
शममुपेयुषि वर्षभरे, तदा, पशुपधेनुकुले च, विनिर्गते ।
भुवि विभो, समुपाहितभूधर:, प्रमुदितै:, पशुपै: परिरेभिषे ॥ ९ ॥
धरणिमेव पुरा, धृतवानसि, क्षितिधरोद्धरणे, तव क: श्रम: ।
इति नुतस्त्रिदशै: कमलापते, गुरुपुरालय, पालय मां गदात् ॥ १० ॥
ॐ तत्सदिति श्रीमन्नारायणीये त्रिषष्टितमं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 63rd dashakam.