நாராயணீயம் அறுபத்தி நான்காவது தசகம் ஒலிப்பதிவு; Narayaneeyam 64th Dashakam audio mp3
Have given the 64th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये चतुष्षष्टितमं दशकम्
आलोक्य शैलोद्धरणादिरूपं, प्रभावं, उच्चैस्तव गोपलोका: ।
विश्वेश्वरं त्वां, अभिमत्य विश्वे, नन्दं, भवज्जातकम्, अन्वपृच्छन् ॥ १ ॥
गर्गोदितो, निर्गदितो निजाय वर्गाय तातेन, तव प्रभाव: ।
पूर्वाधिकस्त्वयि, अनुराग एषाम्, ऐधिष्ट तावत्, बहुमानभार: ॥ २ ॥
ततोऽवमानोदित,तत्त्वबोध:, सुराधिराज:, सह दिव्यगव्या।
उपेत्य तुष्टाव, स नष्टगर्व:, स्पृष्ट्वा पदाब्जं, मणिमौलिना ते ॥ ३ ॥
स्नेहस्नुतैस्त्वां, सुरभि: पयोभि:, गोविन्दनामाङ्कितं, अभ्यषिञ्चत् ।
ऐरावतोपाहृत,दिव्यगङ्गापाथोभि:, इन्द्रोऽपि च, जातहर्ष: ॥ ४ ॥
जगत्त्रयीशे त्वयि, गोकुलेशे, तथाऽभिषिक्ते सति, गोपवाट: ।
नाकेऽपि, वैकुण्ठपदेऽपि, अलभ्यां श्रियं प्रपेदे, भवत: प्रभावात् ॥ ५ ॥
कदाचित्, अन्तर्यमुनं प्रभाते, स्नायन् पिता, वारुणपूरुषेण ।
नीतस्तं, आनेतुमगा: पुरीं त्वं, तां वारुणीं, कारणमर्त्यरूप: ॥ ६ ॥
ससम्भ्रमं, तेन जलाधिपेन, प्रपूजितस्त्वं, प्रतिगृह्य तातम् ।
उपागत:, तत्क्षणमात्मगेहं, पिताऽवदत्, तच्चरितं निजेभ्य: ॥ ७ ॥
हरिं विनिश्चित्य, भवन्तमेतान्, भवत्पदालोकनबद्धतृष्णान् ॥
निरीक्ष्य, विष्णो परमं पदं तत्, दुरापमन्यै:, त्वं, अदीदृशस्तान् ॥ ८ ॥
स्फुरत्परानन्दरसप्रवाह,प्रपूर्णकैवल्य,महापयोधौ ।
चिरं निमग्ना: खलु, गोपसङ्घा:, त्वयैव भूमन्, पुनरुद्धृतास्ते ॥ ९ ॥
करबदरवदेवं देव, कुत्रावतारे, निजपदमनवाप्यं, दर्शितं भक्तिभाजाम् ।
तदिह, पशुपरूपी, त्वं हि साक्षात् परात्मा, पवनपुरनिवासिन्, पाहि मामामयेभ्य: ॥ १० ॥
ॐ तत्सदिति श्रीमन्नारायणीये चतुष्षष्टितमं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 64th dashakam.