நாராயணீயம் எழுபத்தி இரண்டாவது தசகம் ஒலிப்பதிவு; Narayaneeyam 72nd Dashakam audio mp3
Have given the 72nd dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये द्विसप्ततितमं दशकम्
कंसोऽथ नारदगिरा, व्रजवासिनं त्वां, आकर्ण्य दीर्णहृदय:, स हि गान्दिनेयम् ।
आहूय, कार्मुकमखच्छलतो, भवन्तं, आनेतुं, एनमहिनोत्, अहिनाथशायिन् ॥ १ ॥
अक्रूर एष:, भवदंघ्रिपर:, चिराय, त्वद्दर्शनाक्षममना:, क्षितिपालभीत्या ।
तस्याज्ञयैव पुन:, ईक्षितुमुद्यतस्त्वां, आनन्दभारं, अतिभूरितरं, बभार ॥ २ ॥
सोऽयं रथेन, सुकृती, भवतो निवासं, गच्छन्, मनोरथगणान्, त्वयि धार्यमाणान् ।
आस्वादयन्, मुहु:, अपायभयेन, दैवं सम्प्रार्थयन्, पथि, न किञ्चिदपि व्यजानात् ॥ ३ ॥
द्रक्ष्यामि, वेदशतगीतगतिं, पुमांसं, स्प्रक्ष्यामि किंस्वित्, अपि नाम परिष्वजेयम् ।
किं वक्ष्यते, स खलु मां, क्वनु वीक्षित: स्यात्, इत्थं निनाय स:, भवन्मयमेव मार्गम् ॥ ४ ॥
भूय: क्रमात्, अभिविशन्, भवदंघ्रिपूतं, बृन्दावनं, हरविरिञ्चसुराभिवन्द्यम् ।
आनन्दमग्न इव, लग्न इव प्रमोहे, किं किं दशान्तरं, अवाप न, पङ्कजाक्ष ॥ ५ ॥
पश्यन्नवन्दत, भवद्विहृतिस्थलानि, पांसुषु, अवेष्टत, भवच्चरणाङ्कितेषु ।
किं ब्रूमहे, बहुजना हि, तदापि जाता:, एवं तु भक्तितरला:, विरला: परात्मन् ॥ ६ ॥
सायं स:, गोपभवनानि, भवच्चरित्रगीतामृतप्रसृत,कर्णरसायनानि ।
पश्यन्, प्रमोदसरितेव, किलोह्यमान:, गच्छन्, भवद्भवनसन्निधिं, अन्वयासीत् ॥ ७ ॥
तावद्ददर्श, पशुदोहविलोकलोलं, भक्तोत्तमागतिमिव, प्रतिपालयन्तम् ।
भूमन् भवन्तं, अयं, अग्रजवन्तं, अन्तर्ब्रह्मानुभूति,रससिन्धुं, इवोद्वमन्तम् ॥ ८ ॥
सायन्तनाप्लवविशेष,विविक्तगात्रौ, द्वौ, पीतनीलरुचिराम्बर,लोभनीयौ ।
नातिप्रपञ्च,धृतभूषण,चारुवेषौ, मन्दस्मितार्द्रवदनौ, स युवां ददर्श ॥ ९ ॥
दूरात्, रथात्समवरुह्य, नमन्तमेनं, उत्थाप्य भक्तकुलमौलिं, अथोपगूहन् ।
हर्षान्मिताक्षरगिरा, कुशलानुयोगी, पाणिं प्रगृह्य सबलोऽथ, गृहं निनेथ ॥ १० ॥
नन्देन साकं, अमितादरं, अर्चयित्वा, तं यादवं तदुदितां, निशमय्य वार्ताम् ।
गोपेषु, भूपतिनिदेशकथां निवेद्य, नानाकथाभि:, इह तेन निशामनैषी: ॥ ११ ॥
चन्द्रागृहे, किमुत चन्द्रभगागृहे नु, राधागृहे नु, भवने किमु मैत्रविन्दे ।
धूर्तो विलम्बत इति, प्रमदाभि:, उच्चैराशङ्कितो, निशि, मरुत्पुरनाथ पाया: ॥ १२ ॥
ॐ तत्सदिति श्रीमन्नारायणीये द्विसप्ततितमं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 72nd dashakam.