நாராயணீயம் எழுபத்தி ஒன்றாவது தசகம் ஒலிப்பதிவு; Narayaneeyam 71st Dashakam audio mp3
Have given the 71st dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये एकसप्ततितमं दशकम्
यत्नेषु सर्वेष्वपि नावकेशी, केशी स भोजेशितु:, इष्टबन्धु: ।
त्वं सिन्धुजावाप्य इतीव मत्वा, सम्प्राप्तवान्, सिन्धुजवाजिरूप: ॥ १ ॥
गन्धर्वतां, एष गतोऽपि, रूक्षैर्नादै:, समुद्वेजितसर्वलोक: ।
भवद्विलोकावधि, गोपवाटीं, प्रमर्द्य पाप:, पुनरापतत्त्वाम् ॥ २ ॥
तार्क्ष्यार्पिताङ्घ्रे:, तव तार्क्ष्य एष:, चिक्षेप वक्षोभुवि, नाम पादम् ।
भृगो:, पदाघातकथां निशम्य, स्वेनापि शक्यं तत्, इतीव मोहात् ॥ ३ ॥
प्रवञ्चयन्, अस्य खुराञ्चलं द्राक्, अमुञ्च चिक्षेपिथ, दूरदूरम् ।
सम्मूर्च्छितोऽपि हि, अतिमूर्च्छितेन, क्रोधोष्मणा:, खादितुम्, आद्रुतस्त्वाम् ॥ ४ ॥
त्वं वाहदण्डे, कृतधीश्च वाहादण्डं, न्यधास्तस्य मुखे, तदानीम् ।
तद् वृद्धिरुद्धश्वसनो गतासु:, सप्तीभवन्नपि, अयमैक्यमागात् ॥ ५ ॥
आलम्भमात्रेण, पशो: सुराणां, प्रसादके, नूत्न इवाश्वमेधे ।
कृते, त्वया हर्षवशात् सुरेन्द्रा:, त्वां तुष्टुवु:, केशवनामधेयम् ॥ ६ ॥
कंसाय, ते शौरिसुतत्वमुक्त्वा, तं तद्वधोत्कं, प्रतिरुध्य वाचा ।
प्राप्तेन केशिक्षपणावसाने, श्रीनारदेन त्वं, अभिष्टुतोऽभू: ॥ ७ ॥
कदापि गोपै: सह, काननान्ते, निलायनक्रीडनलोलुपं त्वाम् ।
मयात्मज: प्राप दुरन्तमायो, व्योमाभिधो, व्योमचरोपरोधी ॥ ८ ॥
स चोरपालायितवल्लवेषु, चोरायितो, गोपशिशून् पशूंश्च ।
गुहासु कृत्वा, पिदधे शिलाभि:, त्वया च बुद्ध्वा, परिमर्दितोऽभूत् ॥ ९ ॥
एवं विधैश्च, अद्भुतकेलिभेदै:, आनन्दमूर्च्छां, अतुलां व्रजस्य ।
पदे पदे, नूतनयन्, असीमं, परात्मरूपिन्, पवनेश पाया: ॥ १० ॥
ॐ तत्सदिति श्रीमन्नारायणीये एकसप्ततितमं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 71st dashakam.