நாராயணீயம் ஐந்தாவது தசகம் ஒலிப்பதிவு; Narayaneeyam 5th Dashakam audio mp3
Have given the 5th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये पञ्चमं दशकम्
व्यक्ताव्यक्तमिदं न किञ्चिदभवत्, प्राक्प्राकृतप्रक्षये,
मायायां, गुणसाम्यरुद्धविकृतौ, त्वय्यागतायां लयम् ।
नो मृत्युश्च तदा, अमृतं च समभूत्, नाह्नो, न रात्रे:, स्थिति:,
तत्र, एकस्त्वं, अशिष्यथा: किल, परानन्दप्रकाशात्मना ॥ १ ॥
काल: कर्म गुणाश्च जीवनिवहा:, विश्वं च कार्यं विभो,
चिल्लीलारतिं, एयुषि त्वयि तदा, निर्लीनतां, आययु: ।
तेषां नैव वदन्ति, असत्त्वमयि भो:, शक्त्यात्मना तिष्ठतां,
नो चेत्, किं, गगनप्रसूनसदृशां, भूयो भवेत् संभव: ॥ २ ॥
एवं च, द्विपरार्धकालविगतौ, ईक्षां, सिसृक्षात्मिकां,
बिभ्राणे त्वयि, चुक्षुभे, त्रिभुवनीभावाय, माया स्वयम् ।
मायात: खलु, कालशक्ति:, अखिलादृष्टं, स्वभावोऽपि च,
प्रादुर्भूय, गुणान्विकास्य, विदधु:, तस्या:, सहायक्रियाम् ॥ ३ ॥
मायासन्निहित:, अप्रविष्टवपुषा, साक्षीति गीतो भवान्,
भेदैस्तां, प्रतिबिम्बितो विविशिवान्, जीवोऽपि, नैवापर: ।
कालादिप्रतिबोधिताऽथ, भवता, संचोदितं च स्वयं,
माया सा खलु, बुद्धितत्त्वं असृजत्, योसौ, महान् उच्यते ॥ ४ ॥
तत्रासौ, त्रिगुणात्मकोऽपि च महान्, सत्त्वप्रधान: स्वयं,
जीवेऽस्मिन् खलु, निर्विकल्पं अहमिति, उद्बोधनिष्पादक: ।
चक्रेऽस्मिन्, सविकल्पबोधकं, अहन्तत्त्वं महान् खलु असौ,
सम्पुष्टं, त्रिगुणै:, तमोऽतिबहुलं, विष्णो, भवत्प्रेरणात् ॥ ५ ॥
सोऽहं च, त्रिगुणक्रमात्, त्रिविधतां, आसाद्य वैकारिक:,
भूयस्तैजसतामसौ, इति भवन्, आद्येन, सत्त्वात्मना ।
देवान्, इन्द्रियमानिनोऽकृत, दिशा वातार्क,पाश्यश्विन:,
वह्नीन्द्राच्युतमित्रकान्, विधुविधि,श्रीरुद्रशारीरकान् ॥ ६ ॥
भूमन्, मानस,बुद्ध्यहंकृतिमिलच्चित्ताख्यवृत्त्यन्वितं,
तच्चान्त:करणं विभो, तव बलात्, सत्त्वांश एवासृजत् ।
जातस्तैजसतो, दशेन्द्रियगण:, तत्तामसांशात्पुन:,
तन्मात्रं नभसो, मरुत्पुरपते, शब्दोऽजनि, त्वद्बलात् ॥ ७ ॥
शब्दात्, व्योम, तत: ससर्जिथ विभो, स्पर्शं ततो मारुतं,
तस्मात् रूपं, अतो महोऽथ च रसं, तोयं च, गन्धं महीम् ।
एवं माधव, पूर्वपूर्वकलनात्, आद्याद्यधर्मान्वितं,
भूतग्राममिमं, त्वमेव भगवन्, प्राकाशय:, तामसात् ॥ ८ ॥
एते, भूतगणा:, तथेन्द्रियगणा:, देवाश्च, जाता: पृथक्,
नो शेकु:, भुवनाण्डनिर्मितिविधौ, देवै:, अमीभिस्तदा ।
त्वं, नानाविधसूक्तिभि:, नुतगुण:, तत्वानि, अमूनि, आविशन्,
चेष्टाशक्तिं, उदीर्य, तानि घटयन्, हैरण्यं, अण्डं व्यधा: ॥ ९ ॥
अण्डं तत्खलु, पूर्वसृष्टसलिले, अतिष्ठत् सहस्रं समा:,
निर्भिन्दन् अकृथा:, चतुर्दशजगद्रूपं, विराडाह्वयम् ।
साहस्रै:, करपादमूर्धनिवहै:, निश्शेषजीवात्मक:,
निर्भातोऽसि, मरुत्पुराधिप, स मां त्रायस्व, सर्वामयात् ॥ १० ॥
ॐ तत्सदिति श्रीमन्नारायणीये पञ्चमं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 5th dashakam.