நாராயணீயம் ஆறாவது தசகம் ஒலிப்பதிவு; Narayaneeyam 6th Dashakam audio mp3
Have given the 6th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये षष्ठं दशकम्
एवं, चतुर्दशजगन्मयतां गतस्य, पातालं, ईश, तव पादतलं वदन्ति ।
पादोर्ध्वदेशं, अपि देव, रसातलं ते, गुल्फद्वयं खलु, महातलं, अद्भुतात्मन् ॥ १ ॥
जङ्घे, तलातलमथो, सुतलं च जानू, किञ्च, ऊरुभागयुगलं, वितलातले द्वे ।
क्षोणीतलं, जघनं, अम्बरमङ्ग नाभि:, वक्षश्च शक्रनिलय:, तव, चक्रपाणे ॥ २ ॥
ग्रीवा मह:, तव मुखं च जन:, तपस्तुफालं, शिरस्तव, समस्तमयस्य सत्यम् ।
एवं, जगन्मयतनो, जगदाश्रितैरपि, अन्यैर्निबद्धवपुषे, भगवन्नमस्ते ॥ ३ ॥
त्वद्ब्रह्मरन्ध्रपदं, ईश्वर विश्वकन्द, छन्दांसि केशव, घना:, तव, केशपाशा: ।
उल्लासि, चिल्लियुगलं, द्रुहिणस्य गेहं, पक्ष्माणि रात्रिदिवसौ, सविता च नेत्रे ॥ ४ ॥
निश्शेषविश्वरचना च, कटाक्षमोक्ष:, कर्णौ दिश:, अश्वियुगलं, तव नासिके द्वे ।
लोभत्रपे च भगवन्, अधरोत्तरोष्ठौ, तारागणाश्च रदना:, शमनश्च दंष्ट्रा ॥ ५ ॥
माया विलासहसितं, श्वसितं समीर:, जिह्वा जलं, वचनमीश, शकुन्तपङ्क्ति: ।
सिद्धादय:, स्वरगणा:, मुखरन्ध्रमग्नि:, देवा:, भुजा:, स्तनयुगं तव, धर्मदेव: ॥ ६ ॥
पृष्ठंतु, अधर्म इह, देव, मन: सुधांशु:, अव्यक्तमेव, हृदयांबुजं, अम्बुजाक्ष ।
कुक्षि: समुद्रनिवहा:, वदनं तु सन्ध्ये, शेफ:, प्रजापतिरसौ, वृषणौ च मित्र: ॥ ७ ॥
श्रोणीस्थलं, मृगगणा:, पदयोर्नखास्ते, हस्त्युष्ट्रसैन्धवमुखा:, गमनं तु काल: ।
विप्रादिवर्णभवनं, वदनाब्जबाहु,चारूरुयुग्मचरणं, करुणांबुधे ते ॥ ८ ॥
संसारचक्रं, अयि चक्रधर, क्रियास्ते, वीर्यं महासुरगण:, अस्थिकुलानि शैला: ।
नाड्य:, सरित्समुदय:, तरवश्च रोमजीयात्, इदं वपु:, अनिर्वचनीयं, ईश ॥ ९ ॥
ईदृग्जगन्मयवपुस्तव, कर्मभाजां, कर्मावसानसमये, स्मरणीयमाहु: ।
तस्य अन्तरात्मवपुषे, विमलात्मने ते, वातालयाधिप, नमोऽस्तु, निरुन्धि रोगान् ॥ १० ॥
ॐ तत्सदिति श्रीमन्नारायणीये षष्ठं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 6th dashakam.