நாராயணீயம் பதினொன்றாவது தசகம் ஒலிப்பதிவு; Narayaneeyam 11th Dashakam audio mp3
Have given the 11th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये एकादशं दशकम्
क्रमेण सर्गे, परिवर्धमाने, कदापि दिव्या:, सनकादयस्ते ।
भवद्विलोकाय, विकुण्ठलोकं, प्रपेदिरे, मारुतमन्दिरेश ॥ १ ॥
मनोज्ञनैश्रेयस,काननाद्यै:, अनेकवापी,मणिमन्दिरैश्च ।
अनोपमं तं, भवतो निकेतं, मुनीश्वरा:, प्रापु:, अतीतकक्ष्या: ॥ २ ॥
भवद्दिदृक्षून्, भवनं विविक्षून्, द्वा:स्थौ जयस्तान्, विजयोऽपि, अरुन्धाम् ।
तेषां च चित्ते, पदमाप कोप:, सर्वं, भवत्प्रेरणयैव, भूमन् ॥ ३ ॥
वैकुण्ठलोकानुचितप्रचेष्टौ, कष्टौ युवां, दैत्यगतिं भजेतम् ।
इति प्रशप्तौ, भवदाश्रितौ तौ, हरिस्मृतिर्न:, अस्त्विति, नेमतुस्तान् ॥ ४ ॥
तदेतदाज्ञाय, भवान् अवाप्त:, सहैव लक्ष्म्या, बहिरम्बुजाक्ष ।
खगेश्वरांसार्पित,चारुबाहु:, आनन्दयन्, तान्, अभिराममूर्त्या ॥ ५ ॥
प्रसाद्य गीर्भि:, स्तुवतो मुनीन्द्रान्, अनन्यनाथौ, अथ पार्षदौ तौ ।
संरम्भयोगेन, भवैस्त्रिभिर्मां, उपेतं, इत्यात्तकृपं, न्यगादी: ॥ ६ ॥
त्वदीयभृत्यौ, अथ काश्यपात्तौ, सुरारिवीरौ, उदितौ दितौ द्वौ ।
सन्ध्यासमुत्पादन,कष्टचेष्टौ, यमौ च लोकस्य, यमाविवान्यौ ॥ ७ ॥
हिरण्यपूर्व:, कशिपु: किलैक:, परो, हिरण्याक्ष इति प्रतीत: ।
उभौ, भवन्नाथं, अशेषलोकं, रुषा न्यरुन्धां, निजवासनान्धौ ॥ ८ ॥
तयो:, हिरण्याक्षमहासुरेन्द्र:, रणाय धावन्, अनवाप्तवैरी ।
भवत्प्रियां क्ष्मां, सलिले निमज्य, चचार गर्वात्, निनदन् गदावान् ॥ ९ ॥
ततो जलेशात्, सदृशं भवन्तं, निशम्य, बभ्राम, गवेषयन्, त्वाम् ।
भक्तैकदृश्य:, स कृपानिधे त्वं, निरुन्धि रोगान्, मरुदालयेश ॥ १० ॥
ॐ तत्सदिति श्रीमन्नारायणीये एकादशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 11th dashakam.