நாராயணீயம் பன்னிரெண்டவது தசகம் ஒலிப்பதிவு; Narayaneeyam 12th Dashakam audio mp3
Have given the 12th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये द्वादशं दशकम्
स्वायम्भुवो, मनुरथो, जनसर्गशीलो, दृष्ट्वा महीं, असमये सलिले, निमग्नाम् ।
स्रष्टारं, आप शरणं, भवदङ्घ्रिसेवा, तुष्टाशयं, मुनिजनै: सह, सत्यलोके ॥ १ ॥
कष्टं, प्रजा: सृजति मयि, अवनी निमग्ना, स्थानं सरोजभव, कल्पय तत् प्रजानाम् ।
इत्येवमेष कथितो, मनुना, स्वयंभू:, अम्भोरुहाक्ष, तव पादयुगं, व्यचिन्तीत् ॥ २ ॥
हा हा विभो, जलमहं, न्यपिबं पुरस्तात्, अद्यापि, मज्जति मही, किमहं, करोमि ।
इत्थं, त्वदङ्घ्रियुगलं, शरणं, यतोऽस्य, नासापुटात्, समभव:, शिशुकोलरूपी ॥ ३ ॥
अङ्गुष्ठमात्रवपु:, उत्पतित: पुरस्तात्, भूयोऽथ, कुम्भिसदृश:, समजृम्भथास्त्वम् ।
अभ्रे, तथाविधं, उदीक्ष्य, भवन्तं, उच्चै-र्विस्मेरतां, विधिरगात्, सह सूनुभि: स्वै: ॥ ४ ॥
कोऽसौ, अचिन्त्यमहिमा किटि:, उत्थितो मे नासापुटात्, किमु भवेत्, अजितस्य माया ।
इत्थं विचिन्तयति, धातरि, शैलमात्र:, सद्यो भवन् किल, जगर्जिथ, घोरघोरम् ॥ ५ ॥
तं, ते निनादमुपकर्ण्य, जनस्तप:स्था:, सत्यस्थिताश्च मुनय:, नुनुवुर्भवन्तम् ।
तत्स्तोत्रहर्षुलमना:, परिणद्य भूय:, तोयाशयं, विपुलमूर्ति:, अवातरस्त्वम् ॥ ६ ॥
ऊर्ध्वप्रसारि,परिधूम्र,विधूतरोमा, प्रोत्क्षिप्तवालधि:, अवाङ्मुख,घोरघोण: ।
तूर्णप्रदीर्णजलद:, परिघूर्णदक्ष्णा, स्तोतॄन् मुनीन्, शिशिरयन्, अवतेरिथ त्वम् ॥ ७ ॥
अन्तर्जलं, तदनु,संकुलनक्रचक्रं, भ्राम्यत्तिमिङ्गिलकुलं, कलुषोर्मिमालम् ।
आविश्य भीषणरवेण, रसातलस्थान्, आकम्पयन्, वसुमतीं, अगवेषयस्त्वम् ॥ ८ ॥
दृष्ट्वाऽथ, दैत्यहतकेन, रसातलान्ते, संवेशितां झटिति, कूटकिटिर्विभो त्वम् ।
आपातुकान्, अविगणय्य, सुरारिखेटान्, दंष्ट्राङ्कुरेण वसुधां, अदधा: सलीलम् ॥ ९ ॥
अभ्युद्धरन्, अथ धरां, दशनाग्रलग्न, मुस्ताङ्कुराङ्कित इव, अधिकपीवरात्मा ।
उद्धूत,घोरसलिलात्, जलधेरुदञ्चन्, क्रीडावराहवपुरीश्वर, पाहि रोगात् ॥ १० ॥
ॐ तत्सदिति श्रीमन्नारायणीये द्वादशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 12th dashakam.