நாராயணீயம் இருபத்தி ஐந்தாவது தசகம் ஒலிப்பதிவு; Narayaneeyam 25th Dashakam audio mp3
Have given the 25th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये पञ्चविंशं दशकम्
स्तंभे घट्टयतो, हिरण्यकशिपो: कर्णौ, समाचूर्णयन्,
आघूर्णज्जगदण्ड,कुण्डकुहरो, घोर:, तवाभूत्, रव: ।
श्रुत्वा यं किल दैत्यराजहृदये, पूर्वं कदापि, अश्रुतं,
कम्प: कश्चन संपपात, चलित:, अप्यम्भोजभू:, विष्टरात् ॥ १ ॥
दैत्ये दिक्षु, विसृष्टचक्षुषि, महासंरम्भिणि, स्तम्भत:,
सम्भूतं, न मृगात्मकं, न मनुजाकारं, वपुस्ते विभो ।
किं किं भीषणं, एतत्, अद्भुतं इति, व्युद्भ्रान्तचित्ते असुरे,
विस्फूर्ज्जद्धवलोग्र,रोमविकसद्वर्ष्मा, समाजृम्भथा: ॥ २ ॥
तप्तस्वर्णसवर्ण,घूर्णदतिरूक्षाक्षं, सटाकेसर,
प्रोत्कम्पप्रणुकुम्बितांबरं, अहो जीयात्, तवेदं वपु: ।
व्यात्तव्याप्तमहादरीसखमुखं, खड्गोग्रवल्गन्महा,-
जिह्वानिर्गम,दृश्यमानसुमहा, दंष्ट्रायुगोड्डामरम् ॥ ३ ॥
उत्सर्पद्वलिभङ्गभीषणहनुं, ह्रस्वस्थवीयस्तर-
ग्रीवं, पीवरदोश्शतोद्गतनख,क्रूरांशुदूरोल्बणम् ।
व्योमोल्लङ्घि, घनाघनोपमघन,प्रध्वान,निर्धावित-
स्पर्धालुप्रकरं, नमामि भवत:, तन्नारसिंहं वपु: ॥ ४ ॥
नूनं विष्णुरयं, निहन्मि अमुमिति, भ्राम्यद्गदाभीषणं,
दैत्येन्द्रं, समुपाद्रवन्तं, अधृथा:, दोर्भ्यां, पृथुभ्यां, अमुम् ।
वीरो निर्गलितोऽथ, खड्गफलके, गृह्णन्, विचित्रश्रवान्,
व्यावृण्वन्, पुन:, आपपात, भुवनग्रासोद्यतं, त्वामहो ॥ ५ ॥
भ्राम्यन्तं, दितिजाधमं पुनरपि, प्रोद्गृह्य दोर्भ्यां जवात्,
द्वारेऽथ, ऊरुयुगे, निपात्य नखरान्, व्युत्खाय, वक्षोभुवि ।
निर्भिन्दन्, अधिगर्भनिर्भरगलद्रक्ताम्बु, बद्धोत्सवं,
पायं पायं, उदैरयो, बहु जगत्संहारि,सिंहारवान् ॥ ६ ॥
त्यक्त्वा तं हतमाशु, रक्तलहरीसिक्तोन्नमद्वर्ष्मणि,
प्रत्युत्पत्य समस्तदैत्यपटलीं, चाखाद्यमाने, त्वयि ।
भ्राम्यद्भूमि, विकम्पिताम्बुधिकुलं, व्यालोलशैलोत्करं,
प्रोत्सर्पत्खचरं, चराचरमहो, दु:स्थां, अवस्थां, दधौ ॥ ७ ॥
तावत्, मांसवपाकरालवपुषं, घोरान्त्रमालाधरं,
त्वां मध्येसभं, इद्धरोषं, उषितं, दुर्वार,गुर्वारवम् ।
अभ्येतुं, न शशाक कोपि भुवने, दूरे स्थिता:, भीरवा:,
सर्वे, शर्वविरिञ्चवासवमुखा:, प्रत्येकं, अस्तोषत ॥ ८ ॥
भूयोऽपि, अक्षतरोषधाम्नि भवति, ब्रह्माज्ञया, बालके
प्रह्लादे, पदयोर्नमति, अपभये, कारुण्य भाराकुल: ।
शान्तस्त्वं, करमस्य मूर्ध्नि, समधा:, स्तोत्रै:, अथ, उद्गायत:,
तस्य,अकामधियोऽपि, तेनिथ वरं, लोकाय, चानुग्रहम् ॥ ९ ॥
एवं नाटितरौद्रचेष्टित, विभो, श्रीतापनीयाभिध,-
श्रुत्यन्तस्फुटगीत,सर्वमहिमन्, अत्यन्त,शुद्धाकृते ।
तत्तादृङ्निखिलोत्तरं, पुनरहो, कस्त्वां परो लङ्घयेत्,
प्रह्लादप्रिय, हे मरुत्पुरपते, सर्वामयात्, पाहि माम् ॥ १० ॥
ॐ तत्सदिति श्रीमन्नारायणीये पञ्चविंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 25th dashakam.