நாராயணீயம் இருபத்தி நான்காவது தசகம் ஒலிப்பதிவு; Narayaneeyam 24th Dashakam audio mp3
Have given the 24th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये चतुर्विंशं दशकम्
हिरण्याक्षे, पोत्रिप्रवरवपुषा देव, भवता
हते, शोकक्रोधग्लपितधृति:, एतस्य, सहज: ।
हिरण्यप्रारम्भ: कशिपु:, अमरारातिसदसि,
प्रतिज्ञां, आतेने, तव किल वधार्थं, मधुरिपो ॥ १ ॥
विधातारं घोरं, स खलु, तपसित्वा नचिरत:,
पुर: साक्षात्कुर्वन्, सुरनरमृगाद्यै:, अनिधनम् ।
वरं लब्ध्वा दृप्तो जगदिह, भवन्नायकमिदं,
परिक्षुन्दन्, इन्द्रात्, अहरत दिवं, त्वां अगणयन् ॥ २ ॥
निहन्तुं त्वां भूय:, तव पदं, अवाप्तस्य च रिपो:,
बहिर्दृष्टे:, अन्तर्दधिथ, हृदये, सूक्ष्मवपुषा ।
नदन्, उच्चै:, तत्रापि, अखिलभुवनान्ते च, मृगयन्,
भिया यातं, मत्वा, स खलु, जितकाशी, निववृते ॥ ३ ॥
ततोऽस्य प्रह्लाद:, समजनि सुतो, गर्भवसतौ,
मुने:, वीणापाणे:, अधिगत,भवद्भक्तिमहिमा ।
स वै, जात्या दैत्य:, शिशुरपि, समेत्य त्वयि रतिं,
गत:, त्वद्भक्तानां वरद, परमोदाहरणताम् ॥ ४ ॥
सुरारीणां हास्यं, तव चरणदास्यं निजसुते,
स दृष्ट्वा दुष्टात्मा, गुरुभि:, अशिशिक्षत्, चिरममुम् ।
गुरुप्रोक्तं चासौ, इदमिदं, अभद्राय दृढमिति,
अपाकुर्वन् सर्वं, तव चरणभक्त्यैव, ववृधे ॥ ५ ॥
अधीतेषु श्रेष्ठं, किमिति, परिपृष्टेऽथ तनये,
भवद्भक्तिं वर्यां, अभिगदति, पर्याकुल,धृति: ।
गुरुभ्यो रोषित्वा, सहजमतिरस्येति, अभिविदन्,
वधोपायान्, अस्मिन् व्यतनुत, भवत्पादशरणे ॥ ६ ॥
स शूलैराविद्ध:, सुबहु मथितो, दिग्गजगणै:,
महासर्पैर्दष्टोऽपि, अनशनगराहारविधुत: ।
गिरीन्द्रावक्षिप्तोऽपि, अहह! परमात्मन्, अयि विभो,
त्वयि न्यस्तात्मत्वात्, किमपि, न निपीडां, अभजत ॥ ७ ॥
तत: शङ्काविष्ट: स पुन:, अतिदुष्टोऽस्य जनक:,
गुरूक्त्या तद्गेहे किल, वरुणपाशै:, तमरुणत् ।
गुरोश्च, असान्निध्ये स पुन:, अनुगान्, दैत्यतनयान्,
भवद्भक्तेस्तत्त्वं, परममपि, विज्ञानं, अशिषत् ॥ ८ ॥
पिता शृण्वन्, बालप्रकरमखिलं, त्वत्स्तुतिपरं,
रुषान्ध: प्राहैनं, कुलहतक, कस्ते, बलमिति ।
बलं मे वैकुण्ठ:, तव च, जगतां चापि स बलं,
स एव त्रैलोक्यं सकलं, इति धीरोऽयं, अगदीत् ॥ ९ ॥
अरे, क्वासौ क्वासौ, सकलजगदात्मा, हरिरिति,
प्रभिन्ते स्म स्तंभं, चलितकरवालो, दितिसुत: ।
अत: पश्चात्, विष्णो, न हि वदितुं, ईशोऽस्मि सहसा,
कृपात्मन्, विश्वात्मन्, पवनपुरवासिन्, मृडय माम् ॥ १० ॥
ॐ तत्सदिति श्रीमन्नारायणीये चतुर्विंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 24th dashakam.