நாராயணீயம் பதினான்காவது தசகம் ஒலிப்பதிவு; Narayaneeyam 14th Dashakam audio mp3
Have given the 14th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये चतुर्दशं दशकम्
समनुस्मृततावकाङ्घ्रियुग्म:, स मनु: पङ्कज,सम्भवाङ्गजन्मा ।
निजं अन्तरं, अन्तरायहीनं, चरितं ते कथयन्, सुखं निनाय ॥ १ ॥
समये खलु, तत्र कर्दमाख्यो, द्रुहिणच्छायभव:, तदीयवाचा ।
धृतसर्गरसो, निसर्गरम्यं, भगवन्, त्वां, अयुतं समा: सिषेवे ॥ २ ॥
गरुडोपरि, कालमेघकम्रं, विलसत्केलिसरोज,पाणिपद्मम् ।
हसितोल्लसिताननं, विभो त्वं, वपुराविष्कुरुषे स्म, कर्दमाय ॥ ३ ॥
स्तुवते, पुलकावृताय तस्मै, मनुपुत्रीं दयितां, नवापि पुत्री: ।
कपिलं च सुतं, स्वमेव पश्चात्, स्वगतिं चापि, अनुगृह्य, निर्गतोऽभू: ॥ ४ ॥
स मनु: शतरूपया, महिष्या, गुणवत्या, सुतया च देवहूत्या ।
भवदीरित,नारदोपदिष्ट:, समगात् कर्दमं, आगतिप्रतीक्षम् ॥ ५ ॥
मनुनोपहृतां च, देवहूतिं, तरुणीरत्नमवाप्य, कर्दमोऽसौ ।
भवदर्चननिर्वृतोऽपि, तस्यां, दृढशुश्रूषणया, दधौ प्रसादम् ॥ ६ ॥
स पुन:, त्वदुपासनप्रभावात्, दयिताकामकृते, कृते विमाने ।
वनिताकुलसङ्कुलो, नवात्मा, व्यहरद्देवपथेषु, देवहूत्या ॥ ७ ॥
शतवर्षमथ, व्यतीत्य सोऽयं, नव कन्या:, समवाप्य, धन्यरूपा: ।
वनयानसमुद्यतोऽपि, कान्ताहितकृत्, त्वज्जननोत्सुको, न्यवात्सीत् ॥ ८ ॥
निजभर्तृगिरा, भवन्निषेवा-निरतायां, अथ, देव देवहूत्याम् ।
कपिलस्त्वं, अजायथा:, जनानां प्रथयिष्यन्, परमात्मतत्वविद्याम् ॥ ९ ॥
वनमेयुषि, कर्दमे प्रसन्ने, मतसर्वस्वं, उपादिशन्, जनन्यै ।
कपिलात्मक, वायुमन्दिरेश, त्वरितं त्वं परिपाहि मां, गदौघात् ॥ १० ॥
ॐ तत्सदिति श्रीमन्नारायणीये चतुर्दशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 14th dashakam.
One reply on “நாராயணீயம் பதினான்காவது தசகம் ஒலிப்பதிவு; Narayaneeyam 14th Dashakam audio mp3”
The splitting of words is wonderful as Swamigal does
Seeing it in printed form is very helpful for beginners !
Thank you