நாராயணீயம் பதினைந்தாவது தசகம் ஒலிப்பதிவு; Narayaneeyam 15th Dashakam audio mp3
Have given the 15th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये पञ्चदशं दशकम्
मतिरिह गुणसक्ता, बन्धकृत्, तेषु, असक्ता तु,
अमृतकृत्, उपरुन्धे, भक्तियोगस्तु, सक्तिम् ।
महदनुगमलभ्या, भक्तिरेव, अत्र साध्या,
कपिलतनुरिति त्वं, देवहूत्यै, न्यगादी: ॥ १ ॥
प्रकृतिमहदहङ्काराश्च, मात्राश्च भूतानि,
अपि हृदपि, दशाक्षी, पूरुष:, पञ्चविंश: ।
इति, विदितविभागो, मुच्यतेऽसौ, प्रकृत्या,
कपिलतनुरिति त्वं, देवहूत्यै, न्यगादी: ॥ २ ॥
प्रकृतिगतगुणौघै:, नाज्यते पूरुषोऽयं,
यदि तु सजति तस्यां, तत् गुणा:, तं भजेरन् ।
मदनुभजनतत्वालोचनै:, साऽपि, अपेयात्,
कपिलतनुरिति त्वं, देवहूत्यै, न्यगादी: ॥ ३ ॥
विमलमतिरुपात्तै:, आसनाद्यैर्मदङ्गं,
गरुड,समधिरूढं, दिव्य,भूषायुधाङ्कम् ।
रुचितुलिततमालं, शीलयेतानुवेलं,
कपिलतनुरिति त्वं, देवहूत्यै, न्यगादी: ॥४॥
मम, गुणगणलीलाकर्णनै:, कीर्तनाद्यै:
मयि, सुरसरिदोघप्रख्य,चित्तानुवृत्ति: ।
भवति, परमभक्ति:, सा हि मृत्योर्विजेत्री,
कपिलतनुरिति त्वं, देवहूत्यै, न्यगादी: ॥ ५ ॥
अहह, बहुलहिंसा,सञ्चितार्थै: कुटुम्बं,
प्रतिदिनं,अनुपुष्णन्, स्त्रीजितो, बाललाली ।
विशति हि, गृहसक्तो यातनां, मय्यभक्त:,
कपिलतनुरितित्वं, देवहूत्यै, न्यगादी: ॥ ६ ॥
युवतिजठरखिन्नो, जातबोधोऽपि अकाण्डे,
प्रसवगलितबोध:, पीडया, उल्लङ्घ्य बाल्यम् ।
पुनरपि बत, मुह्यत्येव, तारुण्यकाले,
कपिलतनुरिति त्वं, देवहूत्यै, न्यगादी: ॥ ७ ॥
पितृसुरगणयाजी, धार्मिको यो गृहस्थ:,
स च निपतति काले, दक्षिणाध्वोप,गामी ।
मयि निहितं, अकामं कर्म तु, उदक्पथार्थं,
कपिलतनुरिति त्वं, देवहूत्यै, न्यगादी: ॥ ८ ॥
इति, सुविदितवेद्यां, देव हे, देवहूतिं,
कृतनुतिमनुगृह्य, त्वं गतो, योगिसङ्घै: ।
विमलमतिरथाऽसौ, भक्तियोगेन मुक्ता,
त्वमपि, जनहितार्थं, वर्तसे, प्रागुदीच्याम् ॥ ९ ॥
परम, किमु बहूक्त्या, त्वत्पदाम्भोजभक्तिं,
सकलभयविनेत्रीं, सर्वकामोपनेत्रीम् ।
वदसि खलु, दृढं त्वं, तद्विधूयामयान् मे,
गुरुपवनपुरेश, त्वयि, उपाधत्स्व भक्तिम् ॥ १० ॥
ॐ तत्सदिति श्रीमन्नारायणीये पञ्चदशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 15th dashakam.