நாராயணீயம் முப்பத்திஇரண்டாவது தசகம் ஒலிப்பதிவு; Narayaneeyam 32nd Dashakam audio mp3
Have given the 32nd dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये द्वात्रिंशं दशकम्
पुरा, हयग्रीवमहासुरेण, षष्ठान्तरान्तोद्यदकाण्डकल्पे ।
निद्रोन्मुखब्रह्ममुखात्, हृतेषु वेदेषु, अधित्स: किल मत्स्यरूपम् ॥ १ ॥
सत्यव्रतस्य, द्रमिलाधिभर्तु:, नदीजले, तर्पयत:, तदानीम् ।
कराञ्जलौ सन्, ज्वलिताकृतिस्त्वं, अदृश्यथा:, कश्चन बालमीन: ॥ २ ॥
क्षिप्तं जले त्वां, चकितं विलोक्य, निन्ये, अम्बुपात्रेण, मुनि: स्वगेहम् ।
स्वल्पै:, अहोभि:, कलशीं च कूपं, वापीं सरश्च, आनशिषे, विभो त्वम् ॥ ३ ॥
योगप्रभावात्, भवदाज्ञयैव, नीतस्ततस्त्वं, मुनिना पयोधिम् ।
पृष्टोऽमुना, कल्पदिदृक्षुमेनं, सप्ताहमास्वेति, वदन्, अयासी: ॥ ४ ॥
प्राप्ते त्वदुक्तेऽहनि, वारिधारापरिप्लुते, भूमितले मुनीन्द्र: ।
सप्तर्षिभि: सार्धं, अपारवारिणि, उद्घूर्णमान:, शरणं ययौ त्वाम् ॥ ५ ॥
धरां, त्वदादेशकरीं अवाप्तां, नौरूपिणीं, आरुरुहुस्तदा ते ।
तत्कम्पकम्प्रेषु च तेषु भूय:, त्वं, अम्बुधे:, आविरभूर्महीयान् ॥ ६ ॥
झषाकृतिं, योजनलक्षदीर्घां, दधानं, उच्चैस्तरतेजसं त्वाम् ।
निरीक्ष्य तुष्टा:, मुनयस्त्वदुक्त्या, त्वत्तुङ्गशृङ्गे, तरणिं बबन्धु: ॥ ७ ॥
आकृष्टनौको, मुनिमण्डलाय प्रदर्शयन् विश्वजगद्विभागान् ।
संस्तूयमानो, नृवरेण तेन, ज्ञानं परं चोपदिशन्, अचारी: ॥ ८ ॥
कल्पावधौ, सप्तमुनीन् पुरोवत्, प्रस्थाप्य, सत्यव्रतभूमिपं तम् ।
वैवस्वताख्यं, मनुं, आदधान:, क्रोधात्, हयग्रीवं, अभिद्रुतोऽभू: ॥ ९ ॥
स्वतुङ्गशृङ्गक्षतवक्षसं तं, निपात्य दैत्यं, निगमान् गृहीत्वा ।
विरिञ्चये, प्रीतहृदे ददान:, प्रभञ्जनागारपते, प्रपाया: ॥ १० ॥
ॐ तत्सदिति श्रीमन्नारायणीये द्वात्रिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 32nd dashakam.