நாராயணீயம் மூன்றாவது தசகம் ஒலிப்பதிவு; Narayaneeyam 33rd Dashakam audio mp3
Have given the 33rd dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये त्रयत्रिंशं दशकम्
वैवस्वताख्यमनुपुत्र,नभागजात,
नाभागनामकनरेन्द्रसुतोऽम्बरीष: ।
सप्तार्णवावृतमहीदयितोऽपि रेमे,
त्वत्सङ्गिषु त्वयि च, मग्नमनास्सदैव ॥ १ ॥
त्वत्प्रीतये, सकलमेव वितन्वतोऽस्य,
भक्त्यैव देव, नचिरात्, अभृथा: प्रसादम् ।
येनास्य याचनं, ऋतेऽपि, अभिरक्षणार्थं,
चक्रं भवान्, प्रविततार, सहस्रधारम् ॥ २ ॥
स द्वादशीव्रतमथो, भवदर्चनार्थं,
वर्षं दधौ मधुवने, यमुनोपकण्ठे ।
पत्न्या समं, सुमनसा, महतीं वितन्वन्
पूजां, द्विजेषु विसृजन् पशुषष्टिकोटिम् ॥ ३ ॥
तत्राथ पारणदिने, भवदर्चनान्ते,
दुर्वाससाऽस्य मुनिना, भवनं प्रपेदे ।
भोक्तुं वृतश्च स नृपेण, परार्तिशील:,
मन्दं जगाम यमुनां, नियमान्, विधास्यन् ॥ ४ ॥
राज्ञाऽथ, पारणमुहूर्तसमाप्तिखेदात्,
वारैव पारणं, अकारि, भवत्परेण ।
प्राप्तो मुनिस्तदथ, दिव्यदृशा विजानन्,
क्षिप्यन्, क्रुधा, उद्धृतजटो, विततान कृत्याम् ॥ ५ ॥
कृत्यां च तां, असिधरां, भुवनं दहन्तीं,
अग्रेऽभिवीक्ष्यनृपति:, न पदाच्चकम्पे ।
त्वद्भक्तबाधं, अभिवीक्ष्य, सुदर्शनं ते,
कृत्यानलं शलभयन्, मुनिं, अन्वधावीत् ॥ ६ ॥
धावन्, अशेषभुवनेषु, भिया स पश्यन्,
विश्वत्र, चक्रं, अपि ते गतवान्, विरिञ्चम् ।
क: कालचक्रं, अतिलङ्घयतीत्यपास्त:,
शर्वं ययौ, स च भवन्तं, अवन्दतैव ॥ ७ ॥
भूयो भवन्निलयमेत्य, मुनिं नमन्तं,
प्रोचे भवान्, अहं, ऋषे, ननु भक्तदास: ।
ज्ञानं तपश्च विनयान्वितमेव, मान्यं,
याहि, अम्बरीषपदमेव, भजेति भूमन् ॥ ८ ॥
तावत्समेत्य, मुनिना, स गृहीतपाद:,
राजा, अपसृत्य, भवदस्त्रं, असौ, अनौषीत् ।
चक्रे गते, मुनिरदात्, अखिलाशिषोऽस्मै,
त्वद्भक्तिं, आगसि कृतेऽपि, कृपां च शंसन् ॥ ९ ॥
राजा प्रतीक्ष्य मुनिं, एकसमां, अनाश्वान्,
सम्भोज्य, साधु तं, ऋषिं, विसृजन् प्रसन्नम् ।
भुक्त्वा स्वयं, त्वयि ततोऽपि, दृढं रतोऽभूत्,
सायुज्यमाप च स:, मां, पवनेश, पाया: ॥ १० ॥
ॐ तत्सदिति श्रीमन्नारायणीये त्रयत्रिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 33rd dashakam.