நாராயணீயம் முப்பத்தி ஆறாவது தசகம் ஒலிப்பதிவு; Narayaneeyam 36th Dashakam audio mp3
Have given the 36th dashakam lyrics below, the way Govinda Damodara Swamigal splits while chanting. I have also attempted to chant that way in the recording above.
श्रीमन्नारायणीये षट्त्रिंशं दशकम्
अत्रे: पुत्रतया पुरा त्वं, अनसूयायां हि, दत्ताभिध:,
जात: शिष्यनिबन्ध तन्द्रितमना:, स्वस्थश्चरन्, कान्तया ।
दृष्टो भक्ततमेन, हैहयमहीपालेन तस्मै वरान्,
अष्टैश्वर्यमुखान्, प्रदाय ददिथ, स्वेनैव, चान्ते वधम् ॥ १ ॥
सत्यं कर्तुं, अथ अर्जुनस्य च वरं, तच्छक्तिमात्रानतं,
ब्रह्मद्वेषि, तदाखिलं नृपकुलं, हन्तुं च भूमेर्भरम् ।
सञ्जातो, जमदग्नितो भृगुकुले, त्वं रेणुकायां हरे,
रामो नाम, तदात्मजेषु, अवरज:, पित्रोरधा:, सम्मदम् ॥ २ ॥
लब्धाम्नायगण:, चतुर्दशवया:, गन्धर्वराजे मनाक्,
आसक्तां किल, मातरं प्रति, पितु: क्रोधाकुलस्य, आज्ञया ।
ताताज्ञातिगसोदरै: समं, इमां छित्वाऽथ, शान्तात् पितु:,
तेषां, जीवनयोगं, आपिथ वरं, माता च ते, अदाद्वरान् ॥ ३ ॥
पित्रा मातृमुदे, स्तवाहृतवियद्धेनो:, निजादाश्रमात्,
प्रस्थायाथ, भृगोर्गिरा हिमगिरौ, आराध्य गौरीपतिम् ।
लब्ध्वा, तत्परशुं, तदुक्तदनुजच्छेदी, महास्त्रादिकं
प्राप्तो, मित्रं अथ, अकृतव्रणमुनिं प्राप्य, आगम: स्वाश्रमम् ॥ ४ ॥
आखेटोपगतोऽर्जुन:, सुरगवीसम्प्राप्तसम्पद्गणै:,
त्वत्त्पित्रा परिपूजित: पुरगतो, दुर्मन्त्रिवाचा पुन: ।
गां क्रेतुं सचिवं न्ययुङ्क्त, कुधिया तेनापि, रुन्धन्मुनि-
प्राणक्षेपसरोष,गोहतचमूचक्रेण, वत्सो हृत: ॥ ५ ॥
शुक्रोज्जीविततातवाक्यचलितक्रोधोऽथ, सख्या समं,
बिभ्रत्, ध्यातमहोदरोपनिहितं, चापं कुठारं, शरान् ।
आरूढ:, सहवाहयन्तृकरथं, माहिष्मतीमाविशन्,
वाग्भिर्वत्समदाशुषि, क्षितिपतौ, सम्प्रास्तुथा:, सङ्गरम् ॥ ६ ॥
पुत्राणामयुतेन, सप्तदशभिश्च, अक्षौहिणीभि:, महा-
सेनानीभि:, अनेकमित्रनिवहै:, व्याजृम्भितायोधन: ।
सद्य:, त्वत्ककुठार,बाणविदलन्निश्शेषसैन्योत्कर:,
भीतिप्रद्रुतनष्टशिष्टतनय:, त्वां, आपतत् हैहय: ॥ ७ ॥
लीलावारितनर्मदा,जलवलल्लङ्केशगर्वापह,
श्रीमद्बाहुसहस्रमुक्तबहुशस्त्रास्त्रं, निरुन्धन्नमुम् ।
चक्रे त्वय्यथ, वैष्णवेऽपि विफले, बुद्ध्वा हरिं त्वां मुदा,
ध्यायन्तं, छितसर्वदोषं, अवधी:, सोऽगात् परं ते पदम् ॥ ८ ॥
भूयोऽमर्षितहैहयात्मजगणै:, ताते हते रेणुकां,
आघ्नानां हृदयं निरीक्ष्य, बहुश:, घोरां प्रतिज्ञां, वहन् ।
ध्यानानीतरथायुधस्त्वं, अकृथा:, विप्रद्रुह: क्षत्रियान्,
दिक्चक्रेषु कुठारयन्, विशिखयन्, नि:क्षत्रियां, मेदिनीम् ॥ ९ ॥
तातोज्जीवनकृत्, नृपालककुलं, त्रिस्सप्तकृत्वो जयन्,
सन्तर्प्याथ, समन्तपञ्चक,महारक्तहृदौघे, पितॄन् |
यज्ञे क्ष्मामपि, काश्यपादिषु दिशन्, साल्वेन युध्यन् पुन:,
कृष्णोऽमुं, निहनिष्यतीति शमित:, युद्धात्, कुमारैर्भवान् ॥ १० ॥
न्यस्यास्त्राणि, महेन्द्रभूभृति, तपस्तन्वन्, पुनर्मज्जितां,
गोकर्णावधि, सागरेण, धरणीं दृष्ट्वा अर्थितस्तापसै: ।
ध्यातेष्वास,धृतानलास्त्रचकितं सिन्धुं, स्रुवक्षेपणात्,
उत्सार्य, उद्धृतकेरलो, भृगुपते, वातेश, संरक्ष माम् ॥ ११ ॥
ॐ तत्सदिति श्रीमन्नारायणीये षट्त्रिंशं दशकं समाप्तम् |
श्री हरये नम: | रमा रमण गोविन्द, गोविन्द | श्रीकृष्णार्पणमस्तु |
If you prefer regular lyrics it can be found here – Narayaneeyam 36th dashakam.