வால்மீகி ராமாயணம் என்னும் தேன்

மஹாபெரியவா 1944ம் வருஷம் காமகோடி கோஷஸ்தானம் மூலமாக ‘பஜ கோவிந்தம்’ என்ற ஆதி ஆசார்யாள் அருளிய ஒரு ஸ்தோத்ர ரத்னத்தை தமிழில் அர்த்தத்தோடு வெளியிட்டார்கள். அதில் அவா கொடுத்துள்ள ஸ்ரீமுகம் இது – “ஸ்ரீ ஆதி சங்கர பகவத்‌ பாதர்களினால்‌ ஜனங்கள்‌ அனைவரையும்‌ கைதூக்கி விடுவதற்காக அருளப்பட்டதாயும்‌, ‘பஜ கோவித்தம்’ என்ற பெயரால்‌ பிரஸித்தமானதாயும்‌, ஸரளத்திலும்‌ ஸரளமாயும்‌ (எளிதிலும்‌ எளியதாயும்‌), மதுரத்திலும்‌ மதுரமாயும்‌ (இனிதிலும்‌ இனியதாயும்‌,) உள்ள ‘மோஹ முத்கரம்‌’ என்‌ற இந்த நூலை அச்சிடுவதனாலேயும், ப்ரசாரம்‌ செய்வதனாலேயும், குழந்தைகள் பாமரர்கள்‌ உள்பட, உலகம்‌, அந்தகஃகரண சுத்தியை அடைய வேண்டும்‌ என்றும்‌, பகவத்‌ பக்திக்கு பரவசப்பட்டதாய் ஆகவேண்டும்‌ என்றும், ஸ்ரீ குருவின்‌ ரூபமான பகவானை வேண்டிக் கொள்கிறோம்‌.” எவ்வளவு கருணை! ‘குழந்தைகள் பாமரர்கள்‌ உள்பட எல்லோரும் இந்த ஸ்தோத்ரத்தை படித்து, பகவத் பக்தி பரவசப்பட்டு, அந்தகஃகரண சுத்தியை அடைய வேண்டும்’ என்கிறார். அந்த ஸ்தோத்ரத்தை ஒலிப்பதிவு செய்து பகிர்ந்துள்ளேன். அந்த புத்தகத்தையும் இணைத்துள்ளேன். அர்த்தம் தெரிந்து கொண்டு அடிக்கடி படிப்போம். பெரியவா ஆசீர்வாததால் பக்தி ஏற்படும்.